Хумбарин арсар

Гьер Дагъусттандин миллатин дишагьлибурихъ хъая чиппин иде арсар. Агъуларин хумбарихъра хъая гьер джурейин батIар аркьа шейэр. Мебур аркьафи арсуракес. Авейи арсуран кулагъанар, камарар, кванишар, кIилигьас гьаттиланттар, гардандиас адархъаттар, гъилихъ хъикIаттар, мебур кедавай авейи батIарвелдис кунарикес, къучарикес кейхьа кепекер.

Ке ппара еб ирцIанфи кIилик кикIа арсарис. АликIафи кIилил алахъуттин вартталас. Дуькьуна кикIайи мебур къучун абанкьулдик, Iайи аргва мукь идехIела, гебурис агъа сурмабур, къашкъабур.

Сурмабур агъафе кIаре кьумашин икке чIилил алукъас акьуная арсуран кулагъарис. КIвахIар агъафе кIилил аликIа якьу джар акьу кикъвас акьу арсуран чалус.

Гуьль ишламиш аркьай чIил суман кикъвас аркъафи валджагъин яIарик, ккан хьугуна кикIайи берхIемин мухурик.

Камарар э яIари иртIан чIил. Джуре чIилар чалар, манатар, Iебасибур кикIуттар ичин, камарарик кикIаф и азман хIа якьу мурттанин арсар.

Хъара авейи арсуран тIубулар, ибрахъанар, гъилихъ хъикIа кванишар. Джалла гьаме шейэр агъулари йина ацIуна кьиматра гъуланф и яхуларифас, буркьунарифас. Гьете вахттари са камарар гъушанастти аттархьайи са вецунан къимат.

Гьалра ппараттарихъ хъаме гьер джурейин арсуран багьа шейэр.

Луиза Гусукаева

Добавить комментарий

Ваш адрес email не будет опубликован. Обязательные поля помечены *