Хубджин гагь и инсанарин арайиъ авалан суман алтухъ зарарин итталар адавай

Амма цац бадил хьу коронавирус агъа аззар гуджлу хьуне, ацIуна зарар йине халкьдин Iуьмурарисна сагъламвелдис. Магьа Iудпе ис бегьем вейчира сагъилдира ме итталихъай женгунин ахир адава.

Ме рекъуьн пешакарарин ахттилатарилди, иттал гулуб бадалди ке хIа яракь  — вакцина э. Вакцинабура хьуная гIуьфу джуьра. Гьер са инсандин учин ахттигьар э учис нае мебурикес къуллай ичин гьате гIаттивуна йирхIас. КьацIра дайирхIуна экьвас кканеттинра учин ахттигьаре. Амма сайисра кIвалас ушуна ккандава, са кIуранникес дар давереф. Джалла инсанар са – садтти джувабдар э кIилди халкьдин удигь.

Агъуларин хабарар агъа газитин редакциъ корреспондентвелди кар аркьая Гусукаева Луиза Рамазановнайира гьаме фикир фай акьуне прививка.

— Фи пасе вун Луиза Рамазановна ме кардихъас?

— Руб зе джанди чIирхIи кьабул акьундава. Температура хьундава, е алтухъ Iуьрар хьундава. Гьелбетта руб йирхIу гъилиъ бицIи – цIуьри Iуьрар акьуне.

Зас пас кканде, ул гьайчира прививкабур акьуна кканде. Фидегьен тегIди джаллабури прививкабур акьуна гьадихьучин, гьегидегьен дахи хьегIас ме итталра гIаттархьасе. Хье йиркIвар сакин хьасе хьехъасра хье багу – кIиларихъасра!»

Салихат Малагусейнова

Добавить комментарий

Ваш адрес email не будет опубликован. Обязательные поля помечены *