ХIуппалан лазимвел

ХIуб ухIа инсанди учин лазимвелдисра, масса йисра. Хьеяр, кьудакь ппара муфеIэт кеяттаре инсандис, гьалдин вахттари алтухъ ишламиш даркьайчира. Авала инсанари гьалдинттари суман фадихьаф давуйи кьудакь.

ДжерехIвелдис ишламиш аркьайи: дахи хуна шиникквар гIикIайи алдахъуна ибгlа аме кьудакьигI дире хьас, итта мукьуйил алихьайи сагъ хьас. Хъара аркьа ибгlа хъарца ккул, бармак дуркьанде, аккихьаф аркьа эркьва мукьуйис, шумар дуркьанде.

ХIуб руккугъилди гIаттивуна батIар суман кьудакьар Iуьрччанде. Хуппай икIа дини акьас кIуранин бочкабуриъ алгьатуна кьелан хьед агlарта са чукь сирка, дутIас. Ягъ гIартай агъа хъуланди кканве чIир дахьас, ниъ дагъуянас. Атуна канве гебур чиппин са вахтт хасттегьен, ягъар алттархьунара кканвейдава. Хъучархье вахтт ягlархьас хъуттурфуна кканве шергве мукьуис кьудакьин, гуде къарк алархьай айчин.

Хуппай гlаттива кьелан хьеттигlас хьед кевес. Хьед кейшухаб, кейхьа кьудакь цаликес къириц алттирхIас. Кьириц алттирхIуна кканве гlудул хьасттегьен, хуппай хъучучIа батIар акьас. БатIар акьасра рехlетин кар дава. ХуцIе гъван алттирхIуна кканве алдаркай гIур шергве хьас батIар куц хьас. Хlезур кьудакь ишламиш аркьа лазим мукьуйис.

Наибет Гасукаева

Добавить комментарий

Ваш адрес email не будет опубликован. Обязательные поля помечены *