ХIурариъ ая кехIа бала

Село Анклух, Агульский район. Фото: https://ok.ru/agul.djamaat

Агьал гьер инсандивас хабар гъуйучи, хье райондиъ, гьертти гьер чIалар пасе удигь кIил хьуна ккане курарихъас, буйурмишар, дардибалабур гьерттар хьасе.

ДжемеIэтин хабарар унихьа рекъер дехIера дуз акьурай пуна, ая Iекв гьуркIагъилди йирай пуна, газ дивурай пуна, хъара саебура аве. Амма ппараттари фикир аркьайдава фиттис гебур пуна, нагагь дахьичира ягъалас ягъа чIукь вей аягуна хье халкь.

Хулади газ ачадивасттира документар акьас ппара пулар ачаве. Ге кардин кьимат есра гьерттивас агърукьасттава.

ХIурар ккеттархьая инсанар айчIуна вей. Ге э хье ягIайин ягъас ая, арайил акьас девея кар.

ХIаф-бицIиф агъай адава, хIуькуматин кар фадаваф айчIуна ве. Хъара пасе, нагагь хизанарив сайивдехIера кар фай аяхабра алтухъ гъирхIас кканвейдава сувариъ. Хье хIурариъ  хъуттурфучи хIуькуматин курар ппара аяф мактабариъ э. Cа-Iу шиникк айчира хье хIуькумати яцI аркьайдава гебур хъикIас. Агьал мактабарин гьавабурихъ хъуттурфучи, гисариъ хурай ая шиникквар чIукь хьуб аяф, идже хьучи гъирхIая са исанди, Iу исанди.

Хьин фи Iэмалар акьунара, цIае программабур дахьунара кканди ая хIуькуматин кардин мукьар. Мактабар хъикIучи хIурара гуланасе.  Гишттин хIуриъ, нагагьра илгванасттава шиниккв хъая хизан, пенсионерардала илгванастава. ХIурар илгуна кканчи, инсанар ухIуна кканде, мактабариди валадара гьикас верегъилди.

Добавить комментарий

Ваш e-mail не будет опубликован. Обязательные поля помечены *