Хьидин lуьшан ягъа,  Типпигъарин хlурин некьвардал, гьер исари суман хьуне тамашабур нае зурба ичуга акьас: гиря гъадивубаас, тlил дивубаас, тупп лихъубаас, гьуккубаас, гъван фатубаас. Ппара тамашабур хьуне инсанарис  тупп лихъубаасра, тlил дивубаас. Ягъан ахирахъди ягlархьуне фуш фиттиас зурба хьунчи.

Гьуккубаас ахиран исари,  уч гlадавуйи lу иса кидавай садпе мукь хьуне Челеген Хlаджис, lудпефна хьибудпеф  —  хьуне арсугъаринра хьирагъарин джигьилар.

Гиря гъадивубаас садпеф хьуне Мацуев Мехlемад Курагъаас, lудпеф — Рамазанов Баджай, яш хьуна айчира ги гъадивадегьен гьел бела джагьиларивас  хьасттава,  хьбудпеф хьуне Рамазанов Мусттафа Фитlаас.

Гъван фатубаас  садпеф хьуне хье райондиъ адина гlалашуй ади Хереджаас Казимагомедов Расим, lудпеф — Баджаев Мехlемад Типпигъаас, хьибудпеф — Курбанов lиса Гъудгъулаас.

Тупп лихъубаас  садпеттар,  алттушу иса суман хьуне Типпигърин джигьилар, lудпеттар -Гъудгъулар, хъибудпеттар – Буршагъар.

Ке ахирахъди  ме тамашабурикес, ибхьра угъай,  илгуне тlил дивуб. Мисаъ,  адайхьай ибхьра уйчира, хьуне куче тlил диваттарисра гебурихъ хъуланди гlачафайшуна тамашабури гьараяр аркьаттарисра. Ирхи дакьуна пасе, садпеф, мисаъ завал хьуна аяттар гъавурдиъра ай, хьуне Типпигъарин джигьларин садпе команда. Цац мебури садпе мукь гъуйуна адине Хеварин хlа райондиас, са хlа ягъахъди унахъуна уйигуна. lудпеттар хьуне хаб Типпигъарин lудпеф агъа ттур але команда, хъибудпеттар  хьуне lайи хlа джанар кеяттар гlадавуйчира Гъудгъуларин джигьилар.

Джалла садпеттилас хьбудпе мукьар гъуйуттарис  хье райондин администрацин  хlатти йине пуларна  ишламиш акьас вере шейэр, тlил дивуна садпе мукь хьуттарис  тортракегьей гlуйи!

 

К.Мирзабрин