ХIа ягъ алттушуне, хиялар илгванасе

МахIачкъалайи хIа ягъ акьуне учин 160 ис хьуб, джалла Дагъусттандин халкь уйи шатти учин столицайихъас. Маджалис акьас хъучучIуне мебури субботтайиъ. Багами димари уйи инсанар гIадаркай тамашабурихъ хъуланди.

ХIа ягъан кIил хьуф Р.Гамзатован къучайиъ э, «Цамаури» агъа фестиваль акьуна. Мич гIалашуйвелди адина хьуне Дагьарарин хIуькуматтин хьер мукьариас аде инсанар, хье республикайиди адина ая гlалашувар. Мич адина хьуне Дагъусттандин Правительствойин Председатель Абдусамад Гамидов, гин садпе заместитель Анаторий Карибов, МахIачкъалайин хIаф Муса Мусав хъара саебура.

Шагьурдин халкьдихъай сагелай аруцуне гебур «Родники Дагестана» агъа выставкайиъ. Мебур акьухаб хьуне концерт, гисаъ Анатолий Карибова Дагъусттандин хIаттин ттуранихъас Народный собранихъасра Правительствойихъас республикайин хваш-баш акьуне шагьурдиъ дуламиш вея инсанарисра, ге шагьурдин гIалашуварисра. Iудпе ягъа акьуне хIа концерт, МахIакъалайин площадил акьуф, са-Iу верш сегьначибура завал акьуна. Мисаъ гъургъуне Дагъусттандин хIаф Рамазан Абдулатиповра МахIачкъалайин хIаф Мусса Мусаев.

ХIа ягъа гIалашувар шад аркьай хьуне музыкально-театрализованное шоу.  БатIар мегIнибур задар акьуне хореографический, вокальный, инструментальный фольклорный ансамбляри «Хив», «Дагбаш», «Акуша» «Дарагчи», «Гергебиль», «Шарвили», «Эхо гор», «Агул», «Тлярата», «Ватан», «Байтерек», «Леваши», «Новолак», «Кайтак», «Хунзах», «Балхар», «Ботлих», «Унцукуль», государственный ансамбляр «Айланай», «Каспий», «Молодость Дагестана».

Бегьем тамаша хьуне джемеIетис сегьнайилди айчIуб Государственный академический русский хор Пятницкийдин ттур алеф, Большой симфонический оркестр Чайковскийдин ттур алеф, Большой театрдин солистар Николай Деденко и Любовь Петрова.

Ме концертиъ сегьнайилди айчIуне хъара заслуженный артист России Тагир Курачев, исполнительница Хиринду-Сафи Султанова, хъара саебура. Джаллабур кIиркIуна хIа ягъан ахирахъди акьуне фейерверк, джаллабурис иджи кьабул хьуне.

Мебур джалла кидавай шагьурдиъ хъара хьуне тамашабур. Миштти Расул Гамзатован ттур але кучайиъ джемеIет ккидаркай хьуне. ХIа ягъ хъучучIуне акробатарира, пагьливанари.

Республикайин мактаб цирковой искусствойин Дагестанские Огни шагьурдин, пагьливанар Цовкра-1 агъа хIурин Кулинский райондин, хъара группа «Гунар» МехIерамхIурин райондиас ацIуна вахттар э ттур ай, инсанарис кьабулди. Подворибурин выставкайи «Родники Дагестана» файдина уйи акьуна ая гьунарар центрабурин традиционной культуры Российин халкьдин Хунзахский, Кайтагский, Буйнакский, Сулейман-Стальский, Хасавюртовский, Ногайский, Рутульский, Агульский, Хивский, Новолакский, Дербентский районарин хъара Дербент шагьурдинра.

Дагъусттандин ая ппара пешабур кея инсанар. Яракь аркьаттар, ифан къабар аркьаттар, кIуранинра, гъвандин накьишар аркьаттар, диркьванттар кьиматиъ аяф э джалла дуьйиъ. Агьалра ме пешабур хIаттилас бицIиттилди ицIанди вей ая.

ХIа ягъ аркьай хьуне Родопский бульвариъ Пушкинан ттур але куьчаиъ Аварский театрдин удигь.

Ппара тамашабур уйи мисаъ шиниккварис, сад уйи гишттинф хIуьлин къирагъихъ. ХIа ягъ кIиркIуне ацIуна идже хиялара атуна. Амма Дагъусттандин хIатти пегъилди, акьуна кканди аме хъара ппара кар хье шагьур хIуькуматтин Югдин жемчужина хьас.

Добавить комментарий

Ваш e-mail не будет опубликован. Обязательные поля помечены *