2016 пе аркьа хIадж Дагъусттандиас хъучучIуна ая. ХIа пай ушуна ая баракатин джиларилди, са пай чиппин хIезурвелар аркьай ая.
«Марва Тур» компанин генеральный директордин Ахмад Хабибован чIаларилди хIа пай Дагъусттандиас вей аяттар хIадж акьас баракатин джиларилди ушуна ая тич. Тич ушуб батIарди ккетвея че МахIачкъалайин джумIа- мазгитигьас автобусариъ ай, автобусар йина аяф транспортайира энергетикайинра связдин Дагъусттандин Министерствойи. ХIадждалди вереттар гъа «Уйташ» агъа аэропортуниди. Миштти ппара рехIет ве, хъайхъай инсан ппара дахьас хIадж акьас вереттара, рекъуьл акьас вереттара удигь исари суман», — пуне А. Хабибова.
«Марва Тур» агъа фирмайин хIаттипуне визабурин читинвеларихъасра, джалла визабур хъай гъушанас даверехIела, учин вахттуниайра йис даверехIела: «Ге кар джалла аркваяф Саудовский Аравин посольствойи э. Ге кардихъас час алчархьа са пай рейсар джуре ягъарилди алдихьас, группабур духIуба акьас. Ме читинвелар вейи удигь исарира, ферра Iа кар адавамисаъ. ХIадж акьас вей аяттар вахттуниъ ай хъучархьа те мукьариди.
Пас кканди ая Саудовский Аравии це къайдабур акьуна ая хIадж акьас вес кканеттарис. Гьал хIадж аркьаттарив фай кканде биометрический паспорт, виза, справкара международного образца агъаф акьуна ая прививкабурихъас. Амма ме карди алтухъ читинвелар акьундава хIадж акьас вереттарис: джалла Дагъустандиас хIадж акьас вереттари акьуна кканегъилди аркьа прививкубур хабди гъуенде чиппис рукьа сертификат. Ме иса хIадждалди ушуб Дагъусттандиас иджи арайил акьуна ая. Августин яIаниъ акьуна уйи собрании тич вереттарис, гич адина уйи 2000 инсан. Гебурихъай гьучархьас адина уйи хIаджин кар арайил аркьа инсанар, хъара министерствобурин инсанарин хIадж акьас кумак аркьай аяттар.
Собраниъ Дагкомрелигиас, Муфтиятиас РД, Пограничный управлениас ФСБ РФ по РД, Управлениас федеральный службайин судебный приставарин (УФССП), МахIачкъалайин аэропортуниас, Управление по организации охраны общественного порядка МВД по РД гисаас пуне ппара герек чIалар хIадж аркьаттарис. УФССПйин хIатти Низам Галимова хабар акьуне хIуькуматин удигь бурджар кейчи коммунальный услугабурихъас, алиментарихъас хъара сасрабура акьасе аттвес даверегъилди хIуькуматиас.
Ахмад Хабибова идже кьимат йине судебный приставарис хIадж аркьаттарис кумак акьубан гебурин бурджар кедихьас. «Чин йин судебный приставарис хIадж акьас вей ая инсанарин ттурар, гебуригIас гIаттивуна бурджар кей аяттар. Чин гъилгъилари йине гебурин ттарар группабурин хIаттарилди, гебуриппай хIадж акьас кканди аяттарилди. Сурис ягIай адавуйи чиппик кея бурджарихъас, гебурис хьуне вахт бурджар кедихьас.
Пас кканди ая хIадж аркьаттарис йиркIураастти аркьагъилди исламдин гIифудпе фарз, йиркIурас рехIет верегъилди, баракат верегъилди, баракатин джиларилди ушуна. Пас кканде хъара Дагъусттандис гIачархьуна а яке хIа квота Российин республикаригIас. Джалла кей ярхьи агъзур инсандилас вартт весе хIадж акьас.
