Хьеярин муфеIэт

ГIул ккиркIугъилди инсанар хъучучIа чиппин цулин курар акьас. Цул ппара кар ая вахтт э. Гьертти аркьа чиппин хIезурвелар Iурдис. IуькIер гъа, гIуяр кеттива, яккар рукъа, хIуппар архIа. Авала архIу хьеярикес ппара муфеIэт кеттивайи.

Сагелай архIа, хуппай гIаттирхIа батIарсуманттар Iуьччанас. Хуппай Iуьччу хьеяр рукIа рагIарилди. РагIар авала уйи гъилинттар, хуппай аттархьуне ттукунттар. РукIу хьеярикес аркьайи ттунар тIубучIилди, чухрайилди. ХIезур ттун ишламиш аркьайи гьертти  учис лазим мукьуйихъди.

Ке ппара ишламиш аркьайи кьвадилкьванарис, гвегъенарис, хъара аркьайи ибгIа аликIаф, ахун-лехIеф хьурай. Фиштти кканчира чиппис хьеярикес муфеIэт кеттивай хьуная. Фидегьен хье джандис дуьхьуьф, муфеIэт кеяттар ичира, кьадри андава хьеярин.

Наибет Гасукаева