Хье дуьяйиъ ке ппара ая хабар э коронавирус агъа итталинф

ЯгIайин ягъас хье дуьяйиъ ке ппара ая хабар э коронавирус агъа итталин. Садпеф иджвелин хабар-  хье хIуькумати  ме итал  яваш хьуная 6% алтушу  хIефтайилас. Iудпеф- хье хIуькуматин хIатти Владимир Путина акьуне ревакцинация цIае аттархьуна дарманилди «Спутник Лайт назальный» агъаттилди. Хъара ми тIалаб акьуне джалабурис, руб йирхIас  кьаст ая инсанарис  вахттуни хъучушучин  идже хьасе пуна. Хабди  ревакцинациия акьас, фас пучин, ме коронавирусдин агьал ая цIае джура SARS-CoV-2 агъаф,  Iайи къикъи алзиланф 60 исалас вартт хьу инсанарис.

Сад сара  хабар ме итталин- аттархьуная цIае джурайин дарман «Спутник-м» агъаф  хье хIуькуматинф, 12 исалас 17 ис хье шиниккварис атаф. МехIелдис ме дарман ишламиш аркьай адава, амма  дармандис ахттигьар гъуршан кIеджарин пакет ме дармандин адиная хье хIуькуматин министерствойиди. Руб  коронавирусдин шиниккварис атаф гьертти учин кIилилди э.

Хье Дагъусттандиди адина кьанди ая хъара коронавирусдин дарманар,  58 агъзур доза вакцинайин «Спутник Лайт» хъара «Спутник-V» агъаф, мебур кидай хъара  Iу джурайин вакцинабур- 810 даза «ЭпиВакКорона», сасра 2475 доза «КовиВак» агъаттар. Ме дарманар кIилди гъая хье Дагъусттанди ая шагьурариди,  районарин больницабуриди, прививочный пунктариди.

Хъара хье Дагъусттандин Минздравди гъушуная 100 агъзур экспресс тестар  ме COVID-19 агъа итталин.Ме тестара файдинаф инсанарис  ме COVID-19 агъа иттал кейчин  ягIар акьас  са 15-20 минутин арайи.

Мебур кIилди аркьаф хье хIуькумати э, хъара хье Дагъусттанди инсанар ппара чалишмиш дахьас ме итталихъас,хъара сан иттаттарин чIукь хьурай пуна. 

Наибет Гасукаева

Добавить комментарий

Ваш адрес email не будет опубликован.