ХIа инсанарин маджлис

ха инсанарин

Къана садпе июндиъ Махачкала шагьурдин дом дружбы агъа усаъ Дагъустандин хIаф Рамазан Абдулатипов гьучархьуне хIа инсанарин СоветигI гIаятарихъай, районарин, шагьурарин хIа инсанарин СоветигI гIая вакиларихъай.

ХIатIи ккетирхIуне, хIа инсанарин Совет ттур аефе пуна, халкьдигI хIуьлмат аефе пуна, рамазан Абдулатипова пуне: «Авалдин хаб э, хьин Дагъустандиъ гьеммиша йиркIв алиянф и хIаттин чIалал, гебури агъа чIалариъ джиркенфи джувабар пара халкьдис ккане суаларис. Ме хье исари хьуна ая гIедат э, хьин гьеммиша гебурихъ лазимди ахьахе. Чун агъай ая чIала агвар аркьа къикъевел, ккедикас дахьуб. Чун аркьа маджлисариъ гъадива ке герек суалар социально — экономическибур, культурныбур, ппара ибур ицIанде экстремизи терроризм яваш акьубас, миллатарин нуьхIубат хIулмат ухIубас».

Учин багухъас хIа инсанарин Советин хIатти Абдулла Магомедова хабар акьуне чиппи аркьа курарихъас, районаринра, шагьураринра хIа инсанарин Советари 2015 иса фи акьунчи, хъара фи акьуна кканди амичи удигьая исарис.

Абдулла Магомедован чIаларилди ме гьучархьуб — хIулматин кар э хIа инсанарихъди хье джала Дагъусттандин, гъавурдиъ ая хьин хъай кар акьуна кканди аяф хье Дагъустандин халкьдис иджвел хьас.

Советин хIатти  кIвал акьуне Дагъустандиъ ахиран хьибу иса ацIуна шейэр духIуба хьуна аяф. «Джалла багвар тIушуна ая: инвестицибур идже хьуна ая, ариш — вариш аркьатар пара хьуна ая. Час суман вея хье халкьдин фикирар гьерттар ичира са багухъди тIуршай ая пуна», — пуне Абдулла Магомедова. Хъара гебур кидавай мишаб пуне хIа инсанарин Совети аркьай ая курар са къаттиъ фарцангъилди, хъара шаб пуне мишттин ухшардин Советар акьас джалла дагьарариъ ае хIурариъ.

Учин гаф кIиркIвай, Абдулла Магомедова пуне: «Фикирарин  зурбавелди, Iуьммур ягIавелди хьевас алзиянас ве инсандис дуья агубал, культурный девлетлу велди кегъархьа джигьиларинра, яш хьу инсанарил.»

Маджалисиъ аяттар йиркIвра алийине, суаларисра джувабар йине. Хъара унихьас акьуне са къайда акьуна кканде, хьуна кканде агъа чIалар хье шагьурарин районарин хIатарис. Фи пуна айчи,акьуна ккандеая кар сад сайихъас районаририн,  шагьурарин хIаттари хIа  инсанарин советарихъай  экстремизм, терроризим багу даверегъилди,  джигьилф иджи вардиш аркьагъилди, учин ватандин игит э пуна кIилиас аттадархьагъилди, чIирхIе курар варха аркьагъилди, бала гIадавай даверегълди диндихъди, хизанарин гIедатарихъди.

Ахиран хатI ккеттирхIай Рамазан Абдулатипова шаб пуне хIа инсанарин Советис уьркIу,  Iайи фикир акьас вере курар, Дагъустандиъра, джала хIуькуматиъра вей аяттар. «ХIа инсанарин совет Iэкьул кея инсанарин совет э, ги агвар аркьай кканде Дагъустандин халкъдин гьава. Бала гIадавай эркьвай ккандава хIавеларигI фи вейчи, халкьдигI фи вейчи, джигьиларигI фи вейчи, диндиъ фи вейчи. Ахир кIил хье шиниккварихъди, хуттуларихъди рукьая ге райондин хIатти, Советин хIа кардихъасра кIвал акьуне  — хIаттарна бицIиттар сад сайигьас гьаттдархьагъилди, халкьдин са гьава верегъилди». Дагъустандин халкь тIуршай кканде гIедатарилди хье хIуькуматинра халкьдин, хIекьвелдин гъавурарилди, иджвелилди, батIарвелди, кканхьубалди, инсанвелди. Джалла фи аркьай айчи хIукуматира хIалкьдира аркьай кканде инсандин ламус ухIас.

Гьер инсан Российиъ дуламиш вей аяф, яшанихъ хъуттудурфуна, миллатихъ хъуттудурфуна, учис уч суман вей кканде хье гIедатар ухIаф, культурныбур игитвеларин гIедатар ухIаф хье Ватандин, джалабурис суман ахтигьар ая инсан суман Российской Федерацин,» — пуне Рамазан Абдулатипова.

Ахирахъди чугъсагъул пуне хIа инсанарин Советис хъай иджи акьуна ая кардис. «час пара лазим э хIа инсанарин гьава, хъара пара герек э чун чве рекьуьл йиб чвахъай кар аркьай ая, лиханди ая инсанарис» — пуне Дагъустандин хIатти.

 

А.Манафов

Добавить комментарий

Ваш e-mail не будет опубликован. Обязательные поля помечены *

Хьес гIул хъучучIуф июндиъ

Гьер иса Iурд алттархьегуна муш киве хьид дахи хъучучIасе пуна, гъазеф дахи агъучIасе пуна, хьид ибгIаф хьугуна гIулра ирхи аргва. Читать далее Хьес гIул хъучучIуф июндиъ

Добавить комментарий

Ваш e-mail не будет опубликован. Обязательные поля помечены *