Гьер инсандис фикир ве чиппин ке ккане гъварахъас, чипихъай кlилин lуьмурди вере цlуьппе дусттурахъас. Дусттурахъас, къацlра езид девереттикес фишттин кар ваал алчархучинара, кьацlра вахъас хъаттрухасттава, фадихъасттава бала алчархье вахттуни, кар фадавайчина, иттар хьучина, пул хъудавайчина, lусе вахттуни, эессихъ гудж хъудавайчина.
Гъурурис инсан кканве фишттинттар ичинара кегьей. Гъварас учин эесси кканве ачухъди айчинара хъел адина айчинара. Дусттвел инсандихъай гъварас учин lуьмурдиласра кегьей ппара кканде. Ке удигьастти инсандивас гъилихъ акьас хьуна аяф гъуй э. Фиштти хьуничин гъилихъ акьас, хьевас lаре фикир дала акьас хьасттава.
Мункиме вархалас ирккар гьучикlай, гъвара хуппай lайвел багу верегуна хабар акьурай пуна. Садпе инсанарифас кlил ккеттгъас вей хьуна адава сатти. Душманар ппара ая вахттуни
гучlай хьуная, идегуна эркьвай хьуная жаллабур хъай.
Мункине тегунанхаб идеф гъуйна инсан дуьхьес хъучучlуф. Удигьастти мункине гъуйна инсан дуьрхьей адахьуб, амма хуппай гебур ке идже цlуппе дусттар хьуне. Гъварахъай вейи гlурчаъ. Яваш-яваштти инсан гъавурдиъ архьуная гъварас ниъ вереф, хъара унихьаф инсандилас lайи, нсандис ягlар хьуная мебуривас чиппин хал -мукьуйил алгъузанас вереф.
Гъурурикес хулан хlейванар акьастти 15 агъзур ис алттушуная.
Инсанар, чаб ая мукьариас, айчlуна вей хьуняа цlее мукьариъди, гебурин хьил фацуна гъурура. Тlабиlет духlуба верегуна , духlуба вей хьуная гъурура.
Гlурчахъанари гlаттивай хьуная гъурур тегlди гьуккаттар миргухъ ахъихьас, джан забунф, лекар икке ирхеттар.
Сасрабури идже ниъ вереттар, хъара уларис иджи lекв аргваттар, алгъузанас нахширарил.
Хьибудпеттари гlаттивай хьуная идже зурба гъурур, алгъузанас хlурарил гIерчlве инсанар адегунас. Мучlур э гебрин гудж кееф, джан кьуват хъаяф. Ге гъурур хьуая садпе джинсунинттар. Гъурурикес хьуная дардуман хулан хlейванар инсанарис.
Хуппай инсанарифас хьегуна чlирин цlегьерикес хъара хlуппарикес хулан малар акьас, гъурур хъагъишай хъара алгъурзанди хьуная. Лап авал заманайихъас мич, гъурур удигьай вей хьуная дегlвиъ. Ацlуна ая гъурур артистар, гьер джуре медалар фачийиттарикес.
Ликlина ккидиркlвадегьен ая гlурури акьудегьен зурба курар, гъушудегьен гъалибвелар. Агьал дуьйил алдея гlифу верш миллион дегьен гъурур, гебурикес йицlу миллион хье
хlукуматтиъ ая. Ацlуна джурабур ая гъурурин.
Жавгарат Хамазаева
