ГIулин яIра хьуне

ХIа  пай халкь мекIера, ибгIавелара вере усариъ аяттар гъузуна аве гIулихъ. Iурдин мекIерикк, пичариъ цIабурар  икIубарикк, къикье  кунарикк бизар  хьуна, хьузуна аве  дуьяйин  ачухъвелдихъ. Iурд пегуна  харджара э. Фидигьен ачаве  пулар  ибгIа   кунарис, лекарис,  Iекварис,уга кIурарис? Гисахъди джикъе ягIара хьугуна, ппара  Iайи дивуна аве инсан айчIвес кканди ге гьавайиас.

Амма гидегьен гъузуна ая ибгIа хьидин, гIулин гьева агуна-гулуна ве. Магьа агьал  хъуттутурфучира са  вахттра ушуфсуман дахьуна гIулин са пай  алттушуна ая.Сентябрь ваз  киркьуф хье сувариъ архьа саринвел, рагъун гьавара духIуба ве. Агвасттава вас гIуланасуман нецIуарихъ, рухарихъ инсанар, гьава гъадарка Iурдихъди.

Агьал хъутттурфучи хье ватандин гьавайихъ — ппара ухьтанди ая. Гъази-гъази нур атIуна ая хье ватан. Ппара ахтт-варт вереттарис хабар хьасе, кьандиракехIей гъази уйи чулар. Хеварин район, КьасумхIурар хьурай, фидегьен дахи са-Iу ягъан  араиъ  гъилгъилари фиштти  хъуьхъе хьунчи. Мич хьеалди гIагъдигуна джуре дуьяйиъ ачархьуфсуман ве.

Угай ая  чуларихъай  фачикIуна, хье  дагьараригI Iуьшуй мекIракегьей ве. Мич гIагъдигуна уларис хъуьхъе  рангулас  гъазе  рангулди  духIуба хьуф гъилгъилари хабар ве. Мал-къарайисра ппара иджи ве сувариъ. Хьес агъал хабар ве  фидегьен сасра регионариас  гIерчIве машинар  бадилхьуна айчи  Дагъустандиъ.

Хье  хIурариъ ппара Iуьрус чIала  гъургъа  шиниквар-шибер бадилхьуна аве. Гебур са къайда  чиппин  багунттарил аларцвас вереттар ичира, сае хIа пай кучвелигьас  гьишина  вереттар э. Мисаъ гебурис Iелефра  акеве, кьваницаяри кьацIара   икайдава. Амма хьес  хабар давей, гIул учин ягъар, Iуьшар алдихьай вей ая  учин рекъди, хабди  хьин  цулив  фачилангъилди, Iуьрус  мисалайиъ  агъаф суман: «ХIезур акье мурхIар гIулана, фургъун Iурдана».

Гин мегIна э: «Iурдис хIезур ухь гIулана, гIулис-Iурдана». Гиштти идегуна хьес  аргвайра э, гъафил хьуна аяттарис кIвал акьуна кканде гIул акьуна аяф Iурдин  тушкинвелар рехIетти  алдихьас  пуна. Нагагь гIулана  фера дакьуна Iурдиъди ачадичина, Iайи  идеф гиштти хье сувариъ, вас вереф хьуне агъа чIал э. КIур, IуькI садпе шейэрикес э вун ахъийина кканди аяттарикес. Инсанар гьерттар аве: учин багайин ягъ  аркьаттар,  кьацIра бала гIадаттар.

Мисала  суман тамашшин гафарар ая Iуьрус чIалан шаирариъ мегIна: вун кIилин гIул киф  ахъикай алдикуне, Iурданара акье вун гIулана аркьай уйиф. Iурдана вафас гIулана суман дири, зурбадалди тIушас  вейдава: мекIери, меркквари, ибхьери  фацуна аве дунья. Амма пуна хъугъасттава чун, гIулана тIуб тIубук кидирхIуна Iурдариас айчIветтара аве.

Хьасмиде курарихъас ппара гъургъасттава хьин, хъара  хьес  мидегьен ккане вегIдара дава Iурд, амма курар акьуна кканди ая Iурдихъай хье  савда  хьас. МехIелди гIулра аме удигь, ибгIа ягъара аме, кеттив чве джанарис  иджвелар. Хумра  мева  иджвелин  кьабахъ Iайвелра хъаяф, ибгIавелдин кьабахъ мекIра хъаяф. ХIезур ухь!

Одна мысль про “ГIулин яIра хьуне”

  1. Ппара нуш ве агъул ч1алалди лик1инае статьябур,
    заметкабур хурас. Бат1арди фикир акьуна, ул алчатуна, учин мукь-ватанихъас лик1иная. Автор, фуш ичин яг1айдава, амма гъалат1ар ппара ая лик1инаеттиъ. Мяг1найин дузди гъавурдиъ архьас четин ве
    гиштти лик1енгуна.

Добавить комментарий

Ваш e-mail не будет опубликован. Обязательные поля помечены *