ГIулин курар

ГIулана инсанарис рехIет верефе хулан, раккан кар акьас. Фас пучин инсанари гIулана хIезурвелар аркьафе Iурдис мал, хIуб хъаятти IуькIер аркьай, мал хъадаватти дараъди ушуна кIур хьунара артIафе.

IуькIер аркьа вахттар хъучадигуна вари инсанар завал верефе гимил, гьертти чипин дерецара фай агъаверефе гIарар пай акьас. ГIарар уцагуна шалва хьугун, фай учин дабрагра верефе багулив фая къуншилди Iу ахттилат акьас бизарвелар кевес.

IуькIер завал акьас гIертти гъарефе учин хизан. Хумбари завал акьухаб хулаъди верегуна акьуна учин IуькIерин къакъра гъарефе. Хабди гIарар ккиркIу вахттари инсанар верефе хуппурариъди ккитIуна вецара кеттивас калтуфар. Хаб калтуфар кеттивугуна уцафе сумар.

Сумар хумбари уцафе, идемари хьилар алиртIанфе марквар акьас. Хабди сумар рукъас акьуна вецарихъ хъитIуна яр-ярара ругIас аркьафе сум музе хьас. Гьемиштти фартафе инсанари гIулар.

Расим Гучудадов

Добавить комментарий

Ваш адрес email не будет опубликован. Обязательные поля помечены *