Гъибгъерин кIур

Гъибгъерин кIурар верефе дарариъ. Хъучархьа гъибгъер цулана октябрьдин вазала. Инсанари гъибгъерин кIурар уза батIарвелдис чиппин хуларин багулив,  багъариъ. БатIарвел суман иджвелра, муфеIетра кея гъибгъерик.

Завал аркьа гъибгъер бицIи мекIер хьехаб, фас пучин дахи завал акьас давереф, тIем кьулкьунди аве. Фидегьен цIуппе Iурдар хьичира гъибгъер ругъайдава. Завал акьу гъибгъерикес аркьа кампутар, варенибур, хъара рукъас аркьа чейигI гIахъас. Инсанари ишламиш аркьа гебурин цIабар завал акьуна Iурдис емишар чIир дахьас гебуригI гIахъас.

Инсанари суман нахширари, джакьвари Iелде гъибгъер. Авала инсанари гъибгъерин кIурарилди  ягIар аркьайи  фишттин Iурдар  вейчин. Ппара гъибгъер кIурарик кейчин Iурд верефи цIуппеф. Гъибгъериъ ул ачатуна инсанари гьезурвел аркьайи Iурдис.

Наибет Гасукаева

Добавить комментарий

Ваш e-mail не будет опубликован. Обязательные поля помечены *