Гьава гIудулхьуф читинвелара кIиркIва

МекIер хъучаверегуна гIезаб киве инсандис гьуркIа кIур, Iуьк акьуна айчи, хъая угол гьуркIвасчи, Iурдиас фи харджар хьуна айчIвасчи.

Гьерттин учин хулан фикирар кидавай аве джалла джемеIетин читинвелара: ибхь угъучи рекъер мертт фиштти айчи, Iуьушуй хулаъ ибгIа аркьаф ахъихьас, шиникквдин дарс акьас, телевизор ахъихьас ттук гьуркIасчи.

Хъуттурфанас мункинвел аяттари ягIар аркьай аве багайин ягъа фи хьасчи дуяйин, хIефттейилас фи хьасчи: ибхь угъасчи алайку ибгIа ягъ хьасчи. Гебур аркьай Iу, хьибу вазди ккиха хьин мекIерикк. Амма алттархьас хъучархьайдава март, ирхе ибгIа ягъар багу хьуф хьес хумве хье уйидегьен читинвелар. Сара мишттин мекIер Iурдар хьасттава агъафсуман.

Малар адина чIирариди, алтухъ цIабурар даркьай ибгIа акьасве хулариъ. Рекъера мертт акьуна кканвейдава са ягъан рагъу уьцIас акьуна фарта, Iеквара вартт ве- миштти дехIера хьучи хIилла хьасе агъафсуман.Фи акьуна аяф, агъафсуман кIиркIуна ве. Гьин, аядегьен курар акьуна кIиркIуна сасра исас курар кканду хьес. Ферра акьасттава мекIер верегуна гIезаб кей иджи э, хъара умудра кимилгванде удигь исалас ме иса инсанарин ая са  читинвелсара гьадихьасе пуна.

Добавить комментарий

Ваш e-mail не будет опубликован. Обязательные поля помечены *