Галуъ хьуне совещание

галуъ

17 пе февральдиъ галуъ СПК «Хутхульский» хьуне совещание. Мисаъ абкьанин вахттунис завалхьуна уйи джалла СПКбурин директорар, хье райондин начальник ветуправления Магомедов И. Хье районди сельское хозяйство курироват аркьаф Амаев Ф.Д, сельский хозяйствойин отдельдин начальник Исаев Н. Гъай хьуне совещание уч кIил хьуна хье райондин хIатти Исмаилов Ю.Г.

галуъ.jpg2

Кардив фачучIугъилди хье райондин хIатти хъучучIуне фачикIай хIа малара, хIуппара гьер СПйин хIаф гъадивай, фидегьен уйчи удигьгелай, гьал фидегьен хьуна айчи. Гиштти ахтармиш аркьай хьуне узуна ая джилар. Джиларихъс Iайи хабар гъуйундава хьидин мехIсулара узуна кканди амехIела, ге арайиъ мехIелди мехIсул узас вахттар амии. Агъай хьуне гисаъ малар ппара ухIуна кканде пуна. Дахьичи дихьи багулив хIурар фая са багьана кканди узайдава джилар пуна, малара ухIай адава пуна хIезурди аяттар хьевас хье галарин джилар фаттивас. Акьасра э гебури гиштти, хьин хье джиларин лиханди адавахаб фас э хьев гебур артаф. Юрий Гусейновича пуне гисаъ хIукуматтивас кредит гъуйна сайихъди аформит акьуна гиф — йицIу миллион агъа са завод алиянгъилди, хье узу некк масса ицIагъилди гисади. Ге заводи акьасе нисар гьер джурайинттар, масттар, йогуртар, сае задара фи акьас вейчи неккдикес. АцIуна сельскохозяйственный программабур ая пуне ягъцIуракк аккетIуна, хье СПКбурин хIаттар гIачучIагъилди гисадира.

Начальник отдела сельского хозяйства Исаев Н. пуне узас кканеттис хьидин мехIсулар ая пуна хIезурди дармана ичина, гIаттирхIуна. Хъара пуне фишттинф кканчи техникара ая пуна узас гьинас кканчи. Амма бала гIадавай адеркьвагъилди. Вун фидегьен тумар гъуйичи, исан ахира хабра ицIангъилди.

Начальник ветуправления хье райондин Магомедов И. пуне Дагъусттандин гъванкIар багварихъ хIа маларин Iа иттал гIархьуна ая пуна, хьинра атагъилди рубар хье маларис. Хъара эхIттият акьуна кканде пуна сасра джемеIетин маларихъай гьучадархьагъилди. Апрелдин ахираъ галариас вере вахттара пуне, привывка дакьу мал атасттава  дагьарариди, гьерф учин малдихъ хъучаверегъилди. Хъара гисаъ гъадивуна хьуне суал СПКбурин, КФХбурин хIаттари чиппис  кумакисра, дахьичира хизан дуламиш хьасра хIурарис галариди айчIвас кканди аяттар гъарегъилди. Юрий Гусейновича пуне айчIуттис галуди хьибцIур суттух джилра йисе, сайисра чIалра дагъагъилди айчIвас кканеттис. Дахьичи са вахттуни гъагьахъуна уйи хье са хIуринттар. Е чаб ушуна муфаIет кеттивундава, е саебурис атундава. Кумак кканди аяттис, читинвелар аттис зунра кумак акьасе пуне хье райондин хIатти. Чипписра суал алихьуне учи кIацIра тилифан гъададивуна экьуфчи гебури учис тилифан акьугуна. Ахиран хIат ккеттирхIуна Юрий Гусейновича пуне чIирхIи аяттари чиппин курар дуз аркьагъилди. СПК «Буршагский» директордис акьуне замечание учин кардихъас иджи адава пуна. СПК «Тпигский» директордин курар кечирхIи ая пуне. Хье маслихIет аягъилди кечIирхIи кар акьуф гьайчIуна кканде пуне хье райондин хIатти. Хъара агъая зун пуне Юрий Гусейновича, кар акьас дакканф гьайчIвагъилди кар атуна.

Галариас адибарин, хуппурар фидегьен узуна айчи, хе галариъ акьуна курарин хатI ккеттирхIас хаб завалверегъилдихьуне 28 апрелдиъ СПК «Буршагский» галуъ.

0 мыслей о “Галуъ хьуне совещание”

  1. Я думаю нужно провести реформу агульского языка, иначе получается очень много русских заимствований, без которых бы агульский язык мог бы обойтись. У нас очень много заимствований тюрских, арабских, персидский, хоть и на многие есть агульские аналоги. Не хотелось бы что бы со временем от нашего языка остались лишь грамматические окончания…

Добавить комментарий

Ваш e-mail не будет опубликован. Обязательные поля помечены *