Футбол дурхIа джигьил

МехIемад-Шапи Сулейманов хье хIуькуматин джигьил футболист э. Ги  еврокубокдин футбол аягуна  зурбадалди  дурхIа. МехIемад–Шапи  уч  хье  райондиас э. Хьирагъарин хIуриас, яшямиш вея  МахIачкъалайиъ.

Футбол дурхIас башламиш акьуф ерхьи ис хьуна хаб, МахIачкъалайин Iудпе  мактабиъ Iу агъзурна цIехьибудпе иса  айчIуне футболдин  академиъди. ЦIеярчIу исан футболин  нападающий  хIисаб  аркьая  иджи  дурхIа  игрок пуна.

Iу агьзурна  цIееридпе исалас  тич  ге  дурхIая  Краснодардихъас  стартовый составдиъ. Гьалдис ге гIуьфугелай  дурхIуная  кубокдин уровеньдиъ. МехIемед-Шапин  Краснодардихъай контракт ккиркIваеф  гIулис  Iу агьзурна  къанна Iуд пе исас.

Ге кидавай МехIемед-Шапи  дурхIая хье хIуькуматин  джигьиларин  сборный  стартовый составдиъ. Лига европпайин  Матчдин   Iу агьзурна цIееридпе иса датский клубдихъай  гIачихьуне  тупп  дурхIас  айчIухаб, 81-пе минутиъ.

Швецихъай   дурхIагунна  марттиъ  2019-пе иса  гIачихьуне  тупп,  гъачихьугуна хаб, хъара голевой передача йине учин одноклубникдилди. 2014-пе иса дурхIуне  международный агъа  матч  Румынихъай.

Европейский командайихъай дурхIаягуна МехIемад-Шапи, мин зурбавел агуна, европейский клубарис кканхьуне михъай  хъитIанас  контракт, ми  кьабул акьундава.

Алттушу ягъарира КраснодардурхIай хьуне Португалин Порту агъа клубихъай. Садпегелай мебурихъай гьучархьугуна хьеттар ккедикуна уйи са тупп гIачихьуна, мегелай  Портуйис хьибу тупп  гIачихьуне  мебури, гебурикес Iуд  МехIемед-Шапи  гIачихьуне,  учин  команда хъара  амилгвангъилди  акьуне  ЕврокубкабуригI, сае  команда рекъуьл  акьуне.

Агьал  Португалис кканди ая ме ая клубиас гъушанас мин права 10-миллион евро йина. Мункин ми духIуба акъуб уч ая команда. Хье  Агъулаас ушуна аяттис кканде пас, агалкьунар хьурай учис учин гIешкъ але кардиъ.

Добавить комментарий

Ваш e-mail не будет опубликован. Обязательные поля помечены *