Фи агъа хьес хьеттарихъас

Хье кIваъ ве хьед Iари ухаф пуна, ама
хьин фикир аркьайдава фидегьен усариъ
хьед ишламиш аркьайчин, фидехьен гьунарар хьеттик кейчин. Хьед ишламиш аркьа инсанари, нахширари, IуькIери, тукари. Исалас иса хьеттихъас гьер джурайин гьунарар атива гIелимари. Фикир акьучин, ппара хIа Iеламат э хьед дуьяйил.

Дуья уч 79% хьед э, гикес 71% хIуьлар.
98% дуьяйил алди ая хьед кьеланф, аме 2% хIисаб дива, уха хьед. Гьелегуна инсанари агъаф: «Хьед-дуьяйил ке хIа девлет э». Джалла хIуькуматарин хIаттариф, гIелимариф фая ахттилат э хьед мертти ухIуб, лазим давай хардж дакьуб. Уха хьед дуьяйил джала усариъ сад суман дава. Ппара кьит э Африкайиъ, СШАйиъ, Китайдиъ, Индиъ, инсан ппара ая хIьукуматариъ. Хьед ая пуна тIакьван, башттан акьуна ккандава.

Ппара инсанар ая шагьурар аяф хьеттин бугулиф э, хьед башттан хьучин гъайшасе чIирхIе итталар. Гьелегуна э хьеттин багулиф алихьаф заводар, фабрикабуриас фарта хьед мертт акьас. Ппара эхIттият акьуна кканве хьеттин кIенааса ттивагуна нафт, газ, хьед чиркин дакьас. АцIуна къайдабур ая хьед бадала адихьуттар хье хIуькумати. Ке хIа къайда адихьуна хIисаб дива садпе январьдиъ 2002 исалас.

Хье райондин хIаттира ппара тамаш акьая хьед мертти ухIубас, хIа тIалаб э хIаттин хьед башттан дакьуб. Ке мертте хьед хIисаб аркьа сувариъ ая булахаринф. Булахарин хьеттар гIелимари гIаттива ке муфеIет кеяттар э пуна.

ТIалаб э джемеIетарикес хьеттин эхIттият
акьуб, кьадарилди ишламиш акьуб. Шаб
хьин джалабури хьед мертти ухIас. Хьед
— хье дуьяйил ке хIа девлет э.

Расим Гучудадов

Добавить комментарий

Ваш адрес email не будет опубликован. Обязательные поля помечены *