Фасе пенси эс кьан вгIареф?

Пенси гъурша пенсионерар,

Хъелан улар пенсихъ э.

Вазна суралас пенси игуни,

Гьагурин ру-дарманис фикьасе?


Баркаллагь хье хIуькуматтис

Вахттуни пенси ицIанттис.

Паччагьди агъайдавахин,

Банкари гъархIар акье пуна.


Ру-дарман кканеттис,

Иттари больницайи вгIареттарис

Пенси ицIантти агъарай:

«Фера акьас хьасттава».


Уларил алдай Iэйнавур

Хилив фагIарай Iиссавур,

Икьуна агIарай гемел,

Мус эсегьан пенсивур агъари.


Хьибу нубати харай,

Хъесу хIаттарис ицIандай,

Ппара лиху Iасеттарис

Ке кьавахъ ирцIандай.


Пенсионерар Iелаттар дува?

Гурис пенси герек дува?

Ери багухъас кеттатIа.

Чун ваджибар гъуршай дува?


Шукур хьурай Аллагьдис.

ИркIа некьв сад акьуттис.

ХIерам-хIешам аркьашира,

Хасттавахин чун те дуйиъ.


КIилин давлени суман,

Гъайишарай пенсионералил налукар,

Лугутара гьал атуна.

Хав хьуна ккандай джагьилар!


Гьар вазала ицIаншира,

Бурджлу вагIарай Iэкварис

ЯрцIур, майцIур хьи пенсионерар

Пул эс вагIарайхин Iэкварин.


Патимат Магомедова, Гехъуьн