Дербентиъ хьу чIалан конкурсдил шиниккварис йине дипломарна пулар

Кьибла багун Дагъусттандиъ 2020 исан 15 ноябрьдилас 25 декабрьдисдегьен акьуне «Хе чIал, гьалдин джигьиларин арайиъ» агъа сочиненибрин конкурс. Ме конкурс арайил акьуне ЮжДагдин Союз молодежийи, хье алгъархьая джигьиларин йиркIуралас гьерттин учин хе чIал хум гьадатуб бадала.
ГIай уйи мисагI «Агъул чIал», «Лезги чIал», «Табасаран чIал», «Рутул чIал», «Азербайджан чIал», «ЦIахур чIал».
Гьаме ягъари Дербент шагьурдиъ мисаъ гъалиб хьу школьникарис, гебурин мегIелимарис пулун пешкешар, хъара гъалибвелдин дипломар йине.
Хье райондиас:
Садпе мукь хьуне Махаев Мазантай, Гъудагъарин хIур;
Iудпе мукь хьуне Кубутаев Базай, Тпигъарин хIур;
Хьибудпе мукь хьуне Рамазанов Гаджимурад, Гъудагъарин хIур.
Гъудагъарин мегIелим Рамазанова Зарият Курбановна э. Тпигъарин мегIелим Кубутаева Тамам Закировна.
Тамам Закировна са агъзурна ерчIу вершна муйцIурна ерчIудпе исан хьибудпе майди Закиранра Наиматан хизандиъ хуне. Iу агъзурна ерхьидпе иса мактаб ккиркIухаб ме учIуне ДГПУйин дагестанская филологин факультетиъ. Хуруб ккиркIуф Iу агъзурна цIесадпе иса ичира, Iу агъзурна ерчIудпе исалас мич э Тпигъарин мактабиъ йиркIв фай, учин пешайил гIешкъ алди кар аркьай.
Зейдайи джувабдарвел хъая кар э мегIелимвел. Фас пучин гьер мегIелимдин пешакарвелдиласра ппара аслу э шиникквдин ягIарвелна гIешкъ.
Гьелбетта шиниккварин Iекьул алтухъ акьас, хье чIал мертти гьава акьас хъара хIа агалкьунар хьурай мишттин мегIелимарис!

Салихат Малагусейнова

Добавить комментарий

Ваш адрес email не будет опубликован. Обязательные поля помечены *