ДегIвин азиятар агу Селим

ДегIвин вахтт 1941-1945-пе ис кьадаркьисматин хьуне хье хIуькуматтис суман кIилди дуньяйиъ аядегьен инсанарисра. Ме дегIвин дард дайирхIу хизан хьундава хье Советский союздин вахттари хье хIуькуматиъ. Гьер хизандин тавур хулариъ ая те вахттарин джевизар, дегIвин вахттарин ишкилар, хъара дегIвиас гьику кIеджар хазинабурсуман ухIай.

ДегIвин ушу инсанарихъас, алттушу вахттарихъас кIвал акьуб гьер иса, гIедат суман хьуна ая гьер хизандиъ. Миштти идегуна, зас кIвал акьуна ликIенас кканди ая зе хIададахъас Раджабов Селим Раджабовичахъас.

Селим Раджабович хуне 1911-пе иса Агъул райондиъ Буршагъарин хIуриъ. Хизанар мебурин хIаф давуйи, са чина хьибу чу. Iу чу мин бицIи ами чирхIе итталарифас кIине. Дадра дахи кIина, хIа хьуне ме дахе дадахъай. ЦIехьибу ис хьегуна, учин дахе дадахъай ушуне ме исламдин гIилми ягIар акьас Табасаранский райондиди, Зиль агъа хIуриди. Миса хурубара аркьай учин дахе дадахъай къазамишвелар аркьай хьуне мебури кlурар уза хуппурил кар аркьай ягъуй. Iьушуй вей хьуне мебур дарсуниди.

Хурубара ккиркIуна, 17 ис хьегуна, йине милди хIуриъ дуканчивел, мин зирингвел агуна. Дукандиас масса ирцIан шейъ гъас вей хьуне ме Кайтагский райондин Маджалис агъа хIуриди, кумакис инсанара хъай. 1937-пе иса учIуне ме хурас Дербент шагьурдиъ Педагогический училищейиди.

Хабди акьуне ми учис хизанди Джамилат агъа дишагьли Буршагъарин хIуриас. Iу шиникквра хъай марттин вазала 1942-пе иса файшуне Салим Раджабович дегIвиди Северо-Кавказский фронтин Краснодарский крайдиъ станица Красноармейская агъа мукьуйиди 9-й стрелковый дивизииди 5-й армии. 18-пе февральди 1943-пе иса мебурин полк дивизихъай айчIуне чаб гъузуна ая хIур ухIас душманарикес. Мин ротайин вазифа и хIурин хIуьрджал багухъас душмандин хIуджум фацанас. Мисаъ, киркьуна гула, хьуне йирхIун хIуьрджал багу гIунис тIуршас даверегъилди. Ачархьуне ме госпитальдиди, сара мидас хаб гьикуне ме хIуриди.

Хабдира Салим Раджабовича кар акьуне ацIун мукьариъ. Ке удигьай кар акьуне Буршагъарин хIуриъ мегIелимвелди, хабди председательвелди. Типпигъарин хIуриъ детдомдиъ кар акьуне. 1973-пе иса кар акьуне Iу истти Буршагъарин хIурин Дом культурайиъ. 1975-пе иса айчIуне Махачкала шагьурдиди. Мисаъра кар акьуне завудиъ къараулвелди. 1985-пе иса кIине, икIуне Буршагъарин хIуриъ.

Наибет Гасукаева

Добавить комментарий

Ваш адрес email не будет опубликован.