Дагъусттандин хIатти АТКйин мегIрака файшуне

ЦIеIудпе январьди Сергей Меликов кIилиъ ай мегIрака файшуне АТКйин. Мисал гъургъуне РДйин Iу агъзурна къанна садпе исан Антитеррористический комиссибурин къайдабурихъас, хъара цIае иса акьуна ккане курарихъас.

Ме ахттилатар хъучучIастти, Дагъусттандин  хIатти  мубарак  акьуне прокуратурайин пешакурарис чиппин хIаягъ. ЦIеIудпе  январьди прокуратура арайил хьуна хьибу верш ис э. 

Терроризм яваш акьубан рекъуьъ дива загьматихъас гъургъучин, ме загьмат бед-гьавайи ушуна адава. Ахиран вахттуни ппара сакин хьуная ме кар. 

«Ме кар аслу э хье прокуратурайин кардилас, хIуькуматин хIукумдилас, ДжемеIетин идарабурилас, динарин объединенибурилас», — пуне Сергей Меликова.

Амма мин чIаларилди, ме кардин сакинвелдихъ хъуттудурфуна хье республикайиъ аме хьасе террористический кIватIалар. 

Учин доклад фай гъургъуне мисал РДйин хIаттин советник, Комиссин джувабдар секретарь иде Далгат Фейзуллаевра.

Алттушу иса хье хIаттар, джалла кумакчибур, йиркIв фай хъучушухIела э терроризмди алтухъ зарар гьинасра даеф. Хъара иджвелихъди хьуне Сириас, Иракдиас Дагъусттандиди хаб файди шиниккварис акьу кумакара. 

Iу агъзурна къанна садпе исан ахир верегунас, республикайиди хаб файдине Iу вершна ягъцIурна са шиниккв. 

«Ме шиниккварис дуз насихIет йихIела э мебурин арайиъ экстремистский фикирар адархьеф пуна кIва аве зе», — пуне Далгат Фейзуллаева. 

Ме АТКйин заседанин рамкабуриъ арайил акьуне герек иде джуре суалара. Хъара икьрар акьуне Iу агъзурна къанна Iудпе иса ул ачатуна ккане курарихъасра.

Салихат Малагусейнова 

Добавить комментарий

Ваш адрес email не будет опубликован. Обязательные поля помечены *