Дагъусттандин хIатти ахтармиш акьуне МЧСин кар хIаягъари

ХьибцIурна садпе декабрьди ЦIае ис хъучеверегунас Дагъусттандин хIатти ахтармиш акьуне МЧСин кар. Владимир Васильев хъуттурфуне фиштти хIезурди айчугас гебурин лихуб.

Ке удигьай Владимир Васильев, Артём Здунов, Владимир Иванов, республикайин МЧСин хIаф ушуне лихунил кIина ая МЧСникарис тукар ахъиянас.  Хабди видеосвязь акьуна Васильевас пуне фиштти айшин хIезурвел хIаягъарихъди.

«Джалла дагъустанарин инсанарихъас агъая зун баркаллагь чун балайиккесра нехIсунникес ккеттивубан. Зун насихIет аркьая ме ис иджи ккиркIвас, са исасра чIукь унахъубар хьас», — пуне Дагъусттандин хIатти.

МЧСин хIатти Нариман Казимагомедова ахъакьуне, джалла майданарил тамашабур вея шагьурариъра, районариъра алгъузуна ая ягъдира Iуьшдира.

Джаллабирил йиркIв алийихаб Васильева пуне: «Махачкалайи чIирхIаринра къайгъу акьуна кканде. Шагьурдин хIаттар багу хьуна кканде джалла миса ая инсанарис. Джаллабири хъукъуна лихуна кканде инсанарис идже верегъилди. Хье лихунис кьимат ирцIанф акьу кардилди э».

Хъара аптекабура хIаягъари дахъуна кканди э пуне ги, хъуттурфуна кканде фидегьен фишттин дарманар айчин, скорая помощь фиштти лиханчин.

Васильевас ахъакьуне Iайи ибхьерикк аккевере гьава районариъ фиштти айчин курар – джалла усарил алгъузуна ая пуне.

Буйнакскин арчIуна мугI алахъуна уйи рукьан рекъуьхъасра ахъакьуне: са кул рекъуьн мертт акьуна ая.