ЙицIу исалас вартт лихуная мактабарин автобусар духIуба акьасе ме иса 28 райондиъра хьибу шагьурдиъ, хабар акьуне Дагъусттандин Министерство образования и науки.
Дахи суман хIуькуматин хIаттихъай Владимир Путинахъай гьучархьуна уйигуна Владимир Васильева агъайи ме иса Дагъусттандиъ гIадихьасе пул 95 машин гъулангъилди мактабарис.
ЦIае машинар гIачихьас республикайиъ хъуттурфуна ая 2019 иса 186,5 млн манатилас вартт. Машинар духIуба акьуна кканди ая 31 муниципалитетиъ 5535 школьник гIачархьагъилди — гебурис кканди ая 88 машин, хъара 7 машин хIуькуматин сае идарабурисра.
«Гебурис джаллабурис хьасе цIае автобусар ме иса»,- пуне министерствойиъ кар аркьай ая инсанди, кIвал акьуна, миштти вей аяф 10 исалас вартт хьуна машинарихъас э пуна.
«ЦIае автобусар гьикасе 28 райондин, МахIачкъалайин, Избербашдин, Кизлярдин мактабариди. Джалла Дагъусттандин мактабариъ ая ягIайис 610 машин. Республикайиъ ая автобусар хъудава амма лазимди ая мактабар. Муниципалитетари 150 кканди ая пуная. Минобранаукайи республикайин ахтармиш акьасе дузди фидегьен кканди айчин»,- пуне пресс-службайиъ.
