Джанат бабарин лекарин кIенакке айяф

АллагьтехIелайи дафтариъ   ликIиная  инсандис батIарди   ахъаджихI дадахъасна бабахъас  пуна  амма  ке Iайи  бабахъас. Фас пичин баба  учин  фуниъ  ухIа  ге  хуппай ге гIанаъ хIавередегьен  бабас  ппара  гIезабара  ве. Сагелай  са идеми  уч  дегIвиди  файях  пуна  ая  МехIеммад  Пайгъамбардис. Хуппай  МехIеммада  ге  идемис  вахъ баб хъайяв пуна  ая, хъайя пеф, айчи ве бабахъай   экьве пуная  гис Пайгъамбарди, лагьа вас  ке хIа джанат.

Баб бабди амелгванасе фидегьен читтин  вахттунира фидегьен идже вахтунира. Бабарин загьматин  кьимат ягIаттарис  джанатин раккар гьемишан  дахъуная. Фидегьен   шейэр  тапширмиш акьуная аллагьтехIелайи бабал,бабахъ хъахьун  кканде  сабур  батIарди  динди  ай, аллагьдигьас гучIай вардиш акьун канде  учин  шинуьквар. Гьергелай фуниъ  хьедегьен ги пун  канде: шуькур хьурай вас аллагь.Садпегелай учин  шинуькв  гъили  гъушигъилди баба пасе: е  аллагьтехIела че шинуьквар идже   рекъуьъ   ихь.  Ккане   баба  учин  шинуьквар вардиш акьасе  батIарди  динди ай,  ламус  хъай, сабур  хъай.  Баба учин  иджи  курарилди агвар акьун   канефе   шинуькварис  фиштти  хьун  канчин   инсан. Баб  кIегуна   шинуьквари   чугъсагъул пасе бабас чаб  батIарди   вардиш  акьубан .

Ппара  инсанарин  Iумур ве  аллагьдис   тIалаб   аркьай  чиппис   шинуьквар   хьас   амма  аллагьди  дайихаб   фера  акьас  вейдава  дехIела   бусулман  хумбети  уч  фуниъ  хьегъилди   шукур хьурай   аллагьдис пун канде,   фас пичин  ге   ке хIа  аллагьди  акьуна   иджвеле.  Ибригьим  пайгъамбарди   верш  исти  киригиная   аллагьдис   учис  са  шинуькв хьурай пуна.  Гьегишти  Закария  пайгъамбардира   тIалаб  акьуная аллагьдис  учис   шинуьквар ахир  Iумурдихъди.Ппара   фуни  ая  хумбари  чиппис  кIиркIар   хун  канди,  шибер  хугуна   пушмал ве. Бусулман  хумбети   пун  канефе   руш,  кIиркI,  аллагьдин   каре  учис  канчи руш  ирцIанде  учис  канчин  кIиркI  аллагьди  йетил  рази  хьун  кканде,  кIиркI  ичира  руш чира  ге  аллагьдин  кьадаре.

Аллагьди баб варт  акьуная  дадалас  фас пичин   баба  ерчIу вазди   фуниъ  ухIа,  руха,  некк  ирцIанде,  батIарди вардиш   аркьа   шинуьквар. Ппара хIа ккаре  шинуьквар   батIарди  вардиш  акьас.  Аллагьдигьас гучIай вардиш  акьу  шинуьквар, аллагьди  учи  ихьа   дуздин  рекъуьъ,  аллагьдин  удигь  джуваб   йис   верегъилди гиштин шинуьквар   джурейи  ягIар ве, гебур сабур хъаттар ве,  дугъреттар  ве, дад,баб, чи, чу,  къучмабур ягIаттар ве.  Аллагьди  пуная: «дадна баб  рази  идетил, аллагь  учра   рази э, дадас на  бабас къел    веретарикес, аллагьдисра хъел  ве. Дадахъайна,бабахъай  гъургъун  канефе  гIудулди, гьарайяр даркьай,шинуьквди  агвар акьун  канефттава  дад на  баб  учис  ппара  хьунаф.  Сагелай  са  инсан   адиная   пайгъамбардилди  ги хабар гъушуная: «е  МехIеммад пайгъамбар   хьинас зун  кеIайи иджвел акьун   канеф?» «Ве бабас»- пуная  ти.  Те инсанди   хаб  пуная: » хуппай гьинасе?» Пайгъамбарди  пуная  хаб: «Ве бабас».

Сагелайсара  хабар  гъушуная   ги: «хуппай  гьинасе». Гьибудпегелайра  МехIеммад пайгъамбарди гьегишти пуная, якьудпегелай  учифас гьегиштти хабар гъушугуна  МехIеммад пайгъамбарди  пуная: «гьеле  ве  дадас».  Шериэтингъилди шинуьквари агвар  акьун  канефттава  чиппин  разидевевел  дадасна  бабас. Шинуьквари  аллагьдикес  тIалаб  акьун   канефе чиппин дадасна бабас иджвелар хьебахъас.  ХIедисари  пуная   вун   фидегьен   иджвелар   акьучира, вас дад на баб  хIисабик  кедахаб  джанатиди ачархьасттава. Пайгъамбарди  пуная, дадна  баб  рази иде шинуькв  джанатиди  весе, дадар бабар рази дава шинуькварис джанатин  къапу  хъикьуная.  Сагелай  пайгъамбардилди  адиная  са инсан аллагьдикес иджвел канеф ги пуная : Зун айчIуна  адесе, аллагьдихъас дегIви акьас. Пайгъамбарди хабар гъушуная гифас: «Ведад е баб   дакIина  амев ?» ти пуная: «амме»  гебур  Iудара.  Хаб  хабар  гъушуная  пайгъамбарди:  «Вас аллагьдикес  иджвел  кандев  пуна ги?» айя  пуная  те  инсанди. Хуппай   пуная    гис  пайгъамбарди: «ушуна ве  дадалдина бабалди, акье  гьегебирис  вафас атрукьа иджвел».

Ппара  айя  инсанар  дуьйил  алми   бабарин  дадарин  кьадри  даветтар. Дадна баб  кIехаба    хуппай фикир   аркьа   чиппи  акьу  курарихъас гебирис, хIейинфе  агъай  эркьва   хуппай.  Дадна  баб  вас   аргвай  андагуна хьес ве  гебирин  кьадри.   Хье дадар на бабар гIадар   хIисаб  э, хьес  гьемишан  рекъв агвар аркьаттар,  джилил канчира хьурай,  заварил  канчира  хьурай.

Добавить комментарий

Ваш e-mail не будет опубликован. Обязательные поля помечены *