«Дагъусттандин булахар»

ДАГУСТТАНДИН БУЛАХАР

5-пе июньдиъ малый залдиъ Русский театрдин Махачкалайиъ хьуне конкурс фольклордин «Дагестанские родники» (Дагъусттандин булахар).

Хье дуьйин макьамар — пай э хье историн, хье Iедатарин. Караокебурин дуньяйиъ сасагелай э унихьаф хье халкьарин хIекьдан мегIнибур. Конкурсариди адегуна ве хьес гишттин мугьлат.

Конкурсдиди адесе Махачкалайиас, Дербентиас, Каспийскдиас, Акушинский, Гумбетовский, Левашинский, Ногайский, Сергокалинский, Тарумовский, Хасавюртовский, Хунзахский, Чародинский, Шамильский, хъара хье райондиасра гIешукьар.

Конкурсдиъ агваракьасе гебири чиппин мугьлатар. Хъуттурфанас адеттарис унихьас э хье халкьарин авалдин джурейин макьамар.

Гишттин конкурсар герек э джигьиларис ягIар акьас Дагъусттандин халкьарин творчество. Мишттин мукьариъ пешабур кея джигьил гIешукьарифас ве чаб агваракьас. Хъара гишттин конкурсар акьуна аяф хье культура илгурай пуна э.

Ме конкурс «Горцы» агъа Международный фестивальдигI гIаяф э. Ге гъаяф э Министерство культуры РФ, Государственный Российский Дом народного творчества, Министерство культуры РД, Республиканский дом народного творчества, Махачкалайин Администрация, Комитет нематериального культурного наследия при Дагестанском отделении Комиссии РФ по делам ЮНЕСКО, хье хIуькуматтин халкьарин традиционная культурайин центрабур, республикайин муниципалитетарин кумакра фай.