Дагъусттандин миллатарин чIаларин тотальный диктантиас фи кьиматар хьунчи

20 пе октябрдиъ Дагъусттандин культурайинра чIаларин ягъан хIаягъ аркьай ДГУйиъ садпегелай хьуне Дагъусттандин миллатарин чIаларин тотальный диктант, Министерство по национальной политике  РД акьуна уйиф.

ДГУйин филологический факультетиъ гьинавас кканчи ликIенас вей уйи аварарин, агъуларин, азербаджанарин, даргибурин, кумыкарин, яхуларин, лезгибурин, ногъаярин, Iурусарин, рутуларин чIаларин диктант. Мисаъ завал хьуттаригI уйи студентар, профессорар, журналистар, республикайин министерствобуриас, культурайигI, искусствойигI гIаяттар, шагьурдиъ дуламиш вей аяттар, сае районариас адиттар.

 АварчIалан диктант ликIине 56 инсанди. Кьимат «отлично», «хорошо», «удовлетворительно», хьуне 59% ликIиттарис. Дарги чIала ликIине 43% инсанди. 60% студенттари ликIине Iайи дава агъафсуман. Кумык чIала ликIине 28 инсанди. 61% ликIине иджеттара, Iайи дава агъасуман кьиматар.

 18 инсанди ликIине яхул чIалалди. 22% яхуларис хьуне Iайи дава агъа кьиматар. Табасаран чIала ликIине 16 инсанди. 25% ликIиттарис  хьуне идже кьиматар. Рутул чIала ликIине 7 инсанди. Джаллабирис хьуне «хорошо», «отлично», агъа кьиматар. ЦIахур чIала ликIине 5 инсанди. Якьуйис хьуне идже кьиматар. Iуьрус чIала ликIине 70 инсанди. Джалла кьиматар чIирхIеттаре. Ме кар арайил акьуттарин чIаларилди диктант аркьа система хъара идже хьасе, ликIибра гьергелай хьасе.