ЯгIайин ягъас кIилди дуьяйин четинвел COVID-19 агъа азар хьуная. Ме азар ппара макур кеяф э. Макур э мин ягъ-ягъалас духIуба хьуб. ДехIела инсанар гъавурдиъра андаваф, фишттин симптомарис еб ирцIанчин. Удигьай фачадартайчира, иттаттар цIекIилиастти ппара вередегьен халкьдин йиркIураъ гучIра архьа, хъара ме вакцинация гьал маджбуринфра хьуная.

Ме курарилас асулу и гIуьфудпе августиъ хье Агъул райондиъра ацIуна инсанари йирхIуне ме рубар. Мебурин джалгайигIас сад э Агъул райондин историко – краеведческий музейдиъ кар аркьая Рамазанова Зумрият Курбановнайи. Зумрият Курбановнайин ахттилатарилди, ппара гагье фикир аркьай: йирхIагьан руб, дайирхIагьан агъай. Амма джалла учин шиникквари атай агуф, учра чIалал адине агъа.

«Руб йирхIухаб са ягъ алтархьуная, амма зе джандин хIел духIуба хьундава. Температурабур, Iуьрар фера хьундава. Зас пас кканди ая, ул гьай вакцина даркьаттарис, гучI вере кар мисаъ фера адава. Чунра чве багу кIилара ухIас, эхIттият акьас прививкабур акьуна кканде», — пуне Зумрият Курбановнайи.

Салихат Малагусейнова