ЧIаарин хIуриъ дахъуне цIае мазгит

previous arrow
next arrow
previous arrownext arrow
Slider

Накь, 13 августиъ, Чlаарин хlуриъ дахъуне цlае мазгит. Ме хьибудпеф э хlуриъ ая кар аркьай ая мазгитарикес. 

Са мазгит авалдинф ая варттал але хlурин яIаниъ, сад ая дихьи кlенаккея хlуригlди гlачадегуна, сасра — гьал дахъуф, акьуна ая Хьирагъарин хlурихъди багу мукьуйиъ.

Ме цlае мазгит дахъастти джемеlетис хабар акьуна уйи социальный сетибуриас, сайиштти агъай. Мич адес вей уйи гьинас кканхьучи.

Батlар рагъра ая ягъан багами сеlет йицlударис хъучучlуне ме маджлис. Джемеlетра хубджи завал хьуна уйи. Гьишттин курарихъас кар алдава Чlаарин джемеlетил, маджлисар ппара иджи гъас ягlа. Маджлис арайил аркьа курар хье Духовный управлени училди гъушуна уйи.

Мисаъ хуруне нашидар, дуьгlебур, вегlзабур, акьуне садакьабур. Гlалашувар ппара адина уйи, адеттарис мисаъдимари ямаг акьуна lелефра йине.

Агъуларин иман цlуьппе хьурай, идже чlал агъайра мазгит гъадивас кумак акьуттарис Аллагьди савабар ликlирай, Аллагь рази хьурай, хьин сад сайихъас кам дакьурай, фитна вархал хьурай. Амин!

К.Мирзоев

Добавить комментарий

Ваш e-mail не будет опубликован. Обязательные поля помечены *