Чаравайин рудж кьимат ая шейъ э

Хье хIуькуматтиъ ке батIар чаравабурин якк  хIисаб аркьа Дагъусттандинф. Инсанари ппара ухIая чаравабур, руккуна якк хьурай пуна. Яккухъай  кьимат ая чарвайин руджун, ге хъара багьа э. Ишламиш аркьай ве чIетте рудж суман рукъуфра.

Рукъас аркьа рудж цулана гванар аркьагуна. Ке удигьай якк руккугъилди рудж икIа кьелаъ са ягъа, хуппай кейхьа рукъас. Рукъа рудж са-Iу Iефттайи. Са вахттуни инсанари ппара ишламаиш аркьай андавуйи рудж, фас пучина базариъ семечкайин ччам булди уйихlела.

Ягlайин ягъас инсанар гъавурдиъ архьая фиттик ппара хайр кейчин. Семечкайин ччам хъучархьасттава  руджухъ. Авала исанарис руджун муфеIэт дагIайчинра ишламиш аркьайи, агьал ягIайчинра ккандава. Ишламиш аркьайи ямагаригl суман джерехlвелдисра.

Ке Iайи  аркьа джаллабурис ккане ямаг э рудж гIихьу хинкIар. Кканчин микес аркьа чIих. БицIиттарис аркьа уркьар руджун къадакъар алихьуна, рекъун кьутIурар аркьа, гlахъуна хIешвар, теIдин чIакьаъlуьферар аркьа руджунттара гIихьуна. БицIиттарис Iабалакес кейхьафи Iэшагуна тIухъун еринди гIачикIас.

Ппара ишламиш аркьа джерехlвелдисра. Мухур хъархьугуна рудж уьцIас акьуна ччамулди тIиршанди мухур, алихьафи йирхIунарил, алдаркайи тIеркIуьна гъиларил. Ахиран вахттари инсанари хаб хъучучIуная ишламиш акьас рудж. Инсандис гьал ягIархьуная кум аккетуна рудж акьас. Базарариъ ппара кьимат ая рукъу суман кум аккетуная руджунра.

Наибет Гасукаева

Добавить комментарий

Ваш адрес email не будет опубликован. Обязательные поля помечены *