ДегIвибур дуньяйилас ппара алайшуна айчира, хье фикирдиъ ке хIа дегIвибурикес сад э Ватандин ХIа дегIви. Са агъзурна ерчIу вершна ягъцIурна садпе исан къана Iудпе июньди хабарсузди Гитлеран кьушум гьужумдилди хIевалат хьуне хье хIуькуматил. Ме ягъани хье ватандил гьарай гъурзар акьу ягъ хьуне. Сайисра ягIай адавуйи, фидегьен гагьдисттегьен давам хьас ичин ме дегIвин дженг. Читать далее Джигьил джаванар тарг акьу дегIви →

ДегIвин азар кидиркьу са хизан, са хал, са хIур, са шагьур хьундава. Гьер инсандис учин пай гIачархьуне. Амма ке Iайи зарар хьуф дегIвиъ иштарак акьуттарис э. ДегIвин гъалибвел гъушухаб, хаб хулади вере инсанарин сан бегьем чIукь хьуне. Мебур са пай сур хьуна адиттара хьуне, джандик мехIфар кидавай, сур кьацра дарукьуттара хьуне, ая усра кехIей ягIардахьуна. ДегIвиас ватандиди адеттарин сандигI гIачархьуне Ибрагимов Iебдулкьадир. Читать далее Iебдулкьадиран дегIвин вахттунин гьунарар →

1941-1945-пе исар кьадар, кьисмат хьуне хье хIуькуматис суман, кIилди дуньяйисра. Душман хIевалат хьуне хье ватандил хабарсузди, саламатдалди чиппин курар аркьай, багайин ягъ аркьай экьуна инсанарил. Душмадис акси айчIуне хье халкь. Гъайшине хье инсанар хIаф-бицIиф дагъай. Читать далее Игитарин ттурар ягIай кканде, хъара йиркIвариъ ухIуна кканде →

Агь замана замана, зулуматдин замана

ДегIви багьана хьуна Iуьмурар угу замана.

Дуньяйин варттал хIаягъар, бицIи ягъар гьер джурейинттар аве. Гьер са хIуькуматихъ, вилаятихъ, шагьурдихъ, хIурихъ, хизандихъ хъаве чиппис фиттилди хьунара багьа иде ягъар. Хье хIуькуматис мишттин ке багьа иде ягъарикес сад э ерчIудпе май – Гъалибвелдин Ягъ. Ме гъалибвел хье хIададари гъушуне Гитлеран кьушумарин хIуьджумдилди башламиш акьу Ватандин хIа дегIвиъ. Читать далее Игитарин гьунарар – несиларис пайдагъар! →