Са вахтра хьуна адава коронавирус итталин гьава яваш хьуна хье дуньяйиъ. Кьанди хье хIуькуматтин хIа духттурари хабар йине ме иттал хаб гъайшая пуна. Минздравдин хIисабарилди, багьана ме иттал гъайшибан руб йирхIубарин сан алийина къайдабурихъ хъучархьуна адава. Миштти идегуна, духттурарин тIалабар инсанарихъди аме.

Амма ая инсанар, ме кардин сайиштти фикир аркьаттар.

Гамзатова Фатимат Абдулмуталибовна хIа яшунин дишахьли э, дуламиш вея Арсугъарин хIуриъ. Фатимат час ахъакьуне, фи фикир акьуна учи коронавирус итталин руб йирхIунчи.

-Ассалам Алейкум чвас джаллабурис! Ке удигьай зас пас кканде, зе яшарин хIавелдихъ къуттудурфуна, зун йирхIуне агьал ая читин итталин руб «СПУТНИК-Лайт» агъаф, алттушу иса Iурдана. Чин варха мукьари айчира, зас мункивел хьуне че хIурин гIанаъ йирхIас руб. Агъул райондин больницайас чаалди адине рубар йирхIа духттурарин бригада. Руб йирхIуне пуна зе джандис са фера хабар йиндава. ЯгIайин ягъас джандин гьава иджи ая. Ппара хIа чугъсаул пас кканде духттурарисра чаалди адебан, хъара  зас акьас кканди ая тIалаблама гьалдин джигьиларис вахттуни руб  йирхIас ме агьал ая читин итталин.

Наибет Гасукаева