АГУЛЬСКИЕ ЛИРИЧЕСКИЕ ПЕСНИ

Не все то золото, что блестит (пословица)

Закес улусум хьурай,

ШутI атай сувал руцас.

Закес суван кьун хьурай

Су yxIaй, сувал икьвас.

 

Ай рагъарин рагъухъан,

Валас нур кам дахьурай.

Рагъугь икьу хIавахъан

Валас рагъ кам дахьурай.

 

Су ацIу хъехъе тукар

Доярка руш вас хьурай.

Халкьдин баркалагь хъае,

Доярка руш зис хьурай.

 

Су ацIу хъехъе тукар

ХIавахъанарис хьурай.

Гьава суван ругъу хьер

Ккелахъанарис хьурай.

 

ШивIарин уригь гьаеф,

Халкьарин хилил алеф,

Мезурал шаккар алеф,

Жженеттин тук доярка.

 

Угъал угъаф хIайдийва,

Лит хъадаваф хIайдийва,

Me баябан сувари,

Сатти илгванф хIайдийва.

 

ФидехIен сархуш э вун

БатIар баван ижже руш.

Зе иркIурас хуш э вун

Ире дерейин берхIем.

 

Гада халан давлат э,

Сус халан баракат э,

Гурис хуру шиникквар,

Валагь багъдин лиIмат э.

 

Къафази ае пази

КIилисти дунья дагуф.

Къизилдин къарасавад

ХилигI дакьуна цIуруф.

 

Арсуран сеIетлама

Вахттуни лихас дахьеф.

Жжагвар шушайин лампа

Iешкъуни yxIac дахьеф.

 

Гьавайил але халар

Халуман кIаре улар.

XIapap, халар минат э

Зе Халумак кемата.

 

Хьимуд зис ккан хьунигьан яраб,

Параттарис зун ккан хьефе.

ГьелехIелан эгьан яраб,

Хьуни закес чехирин дустт.

 

ХIуьлин кIенаас фацуф

Къизил балугъ э пуна.

Гьава сувалас фацуф,

ЧIирин нахшир э пуна.

 

Укун тукунф ишира,

КIил гъадутIу Iелай тук.

Су цIантукинф ишира,

Улар дархIу хIачан тук.

 

ХIевзу хъае чуле луф

Булахин кIилил алеф.

Дарар, баварин мехIел

Къан шаккарарил ухIуф.

 

Ширван шушайин дагьар,

Кихьунай вак ишанар.

Маркьа вун дардар, гъамар,

Хьасе вун харе вахттар.

 

Уьхь суман жжагвар къварикк,

Туксуман Iа руш ккерья.

Сад ире леIли суманф,

Сад гъазе беIли суманф.

 

Парзар заву атIуна,

Дуья угъа суман э.

ХIуьл суман къанихмишди,

ИркIвар чирхъва суман э.

 

Я шурбат, ширин шурбат,

Фие ве тукун кьимат.

КIилди дуьюкк руцуна,

Хьасттава ве тай люIмат.

 

Суварис кьун ухшаре,

Галус жжейран ухшар э.

Жжалавур Iэмалар э,

Доярка зис ухшар э.

 

Вун адава, рагъ адава,

Вун адава, ваз адава,

Вун адава, бахтт адава,

Вун адава, уьмур ккандава.

 

Дуьхьди вIаре TIaxIyp нецIв,

Ккевкьуна цIере хьурай.

Ппарз фацу музе угъал,

Алайкуна рагъ хьурай.

 

Парзахъ руца диф суман

Зун вахъас руцай аме.

Угъалихъас чIир суман

Зун вахъас Iэшай аме.

 

Iуьшра ягъра сад дава

Рушан иркIв сакин дава.

PaxI алурцIа рукь суман

Баван иркев къатлан дава.

 

НецIул алеф цIуд эгьан

ЦIудул алеф гIад эгьан.

Халагъин кканчил алеф

Яраб зе кканеф эгьан.

 

Жжаругъдалас фатгъучIуф

Рагъ эгьан, чирагъ эгьан.

ТукаригIас гIатгъучIуф

Яраб зе кканеф эгьан.

 

Руш дава вун шуша э

Шуша артIаф алмас э.

ВIарш агъзурарин ккее

Вун къад ккее къизил э.

 

Ратт ацIуна луфари

Са жжагвар луф гIадава.

Тав ацIуна шивIари

Зе ккане руш гIадава.

 

ХIевзу хъае чулле луф

Булахин кIилил алеф.

Дарар, баварин мехIел

Къаншакарарил ухIуф.

 

Музе угъал угъуна

Ширин жжанар ашунай.

Хъехъе рагъ аличина

Ширин жжанар рукъунай.

 

Зун вун агъай руцуни

Вун фиш агъай руцуни.

Арина хилил икьуф

Гьишина фас ушуни.

Добавить комментарий

Ваш e-mail не будет опубликован. Обязательные поля помечены *