Агъуларин ширин кьвакIи

Дагъусттандиъ ая ппара миллатар. Гьерттин ая учин ямагар. ХIа пай гебур гIурна якк гIаттаре. АцIун миллатари аркьа кьутIурар. Амма ге ямаг гьер миллати аркьа чиппингъилди. Хьин гъургъасе фиштти аркьайчин кьвакIи – кьутIур суман ямаг, амма гIанаъ рудар аяф.

Рудар сифтта Iуьччуна кканве, арта са ягъа кьелан хьеттиъ, хуппай Iуьччуна, кетуна кьелра агъихьа уц. Хабди аркьа музе. ТIиршанде гуни аркьа гIур. АлттирхIа килле джарар сад кIенаккди хIа суманф, сасра — вартталди, бицIиф. ГIанаъ икIас хIезур аркьа рудар.

ХIезур рударик кьвакIиъ икIастти керхъа кьел, иссивут, агIарта хьед, гIархъа чIичIакI, уникIер, кканчин хIанар, гIуяр. КьвакIин кьутIурис суман шутI аркьаттар аве, амма авал заманайин хумбари кIенакк ккея джар алчадивуна вартталеттилди артайи кикъвас дакьуна. Уджа кьвакIи хьураъ, хъара пичиъ. Ппара уджуб ккане ямаг дава ме: рудар дахи руьхье задаре.

Iайи дехъесттегьен артафттава кьвакIи. ГIан тIабгъухаб ширин вейдава ге. Ме ямаг IуьтIуна кканефе куче ами.

Наибет Гасукаева

2 мысли о “Агъуларин ширин кьвакIи”

Добавить комментарий

Ваш адрес email не будет опубликован. Обязательные поля помечены *