Агъуларин батIар чIал йиркIуралас гьамарта

Алтушу хIефтайи Тпигъарин мактабиъ акьуне дарс хье чIалан ягъахъас. Гисади завал хьуне джала хье чIалан дарс ирцIан мегIелимар, джуре мегIелимар хъара ученикара. КIенаас кIилиди ме дарс файшуф Мегрибан Абдуллаевнайи, ги башламиш акьуне дарс хье чIалан шиирарилди.

Хъара шиирар хуруне ученикарира, акьуне авал заманайин гIедатарин сценкабур: «РагIухъанра рагIухъандин хьир», «Касиб хIуьпехъендис девлетлу руш кканхьеф».

Ахирахъди кейчIуне сасайихъди хIуьджетдалди алихьай сасайис суалар, авалдин шейэр агвар аркьай, хьин гьал ишламиш даркьа чIалар алихьай. Джала уйидегьен шиникквари зурбадалди ицIанди джувабар са Iуьрус чIалра гIачидихьай.

Ме дарсуниъ уйи хье чIалан дарс ицIан мегIелимарира пуне батIар насихIетин чIалар шиниккварис.

КIуьркIуне ме маджлис директордин ппара мегIна хъа чIаларилди: «Инсан нанди айчира кIвалас ушун ккандава хьибу гаф — баб, ватан, чIал».

 

Б. Габибулаева

Добавить комментарий

Ваш e-mail не будет опубликован. Обязательные поля помечены *