Агьул-Iуьрус словарь Курагъ Муслим Рамазанован

Гьеме словардиъ агъул чIалан 40 aгъзур гафунилас алтухъ гафар а. Хьибу агьзур гафунилас чIукь учис axIa гафар ае, Н.Д. Сулейманова 2005-пу иса ликIи «Агьул-Iуьрус (диалектарин) словарь» агьаф ва са-са агъул чIалакас ликIинае лингвистический китабари ае бицIи гафарин сиягьар (исписукар) хIисаб дакьучин (хIисаб акьас вере шейъар тевригI  гIахьасра  гIадава), хили фаеф садпу хIекь агьул чIалан словарь э.

Словарь завул акьагуна (хъитIагуна) официальный идараври (Iилмуйин идараври, институтари) хIезур акьу картотекавур ва сасра матриалар (документар) ишламиш акьуна адава. Картотекавура, гафарин сиягьара китаб ликIи авторди лезги чIаларин словарарикас хайир кетивуна учи хъитIутар э. Геврилас гьайри, Iераб чIалан, фарс чIаларин, турк чIаларин ва аккадский чIалан словарара ишламиш акьас алчархьуне («Литература» агъа указателдис къутурф). Агьул чIалалди мехIелдис( хIекь литературный чIалал ликIинае) литература адахьубас къутурфуна, мажбур хьуне гафарин мегIна бигьамди араламиш акьубан бадалди халкьдин масалавур, мастIалавур, хъитIу гафар ва гьарягъан эхтилатар ишламиш акьас. Гьеме карди словардис хайир инев ваяки зарар инев, китаб хуратари чипи кьимат ирай.

(Башламиш акьуная 24-пе газитилас, продолжени журе номердиъ)

словарь словарь.jpg2

Добавить комментарий

Ваш e-mail не будет опубликован. Обязательные поля помечены *