Рамазандин вазалас

.

Иса  сагелай  варе  гьалашуй

Че йиркIварин  нур ица рагъ

Дин исламдин  майвайин багъ

Жан  ширин азиз Рамазан

.

Жейнатдин  кIили  гьури  Гьури Пери

Ве ашкьуни  хьасе жалла

Дуст  МухIаммад,  ширин Наби

Жан  ширин  азиз  Рамазан

.

Жейнатдин майвайин багъ

Савабар ицаеде нурлу рагъ

Дин  исламдин, марте чирагъ

Жан  ширин  азиз Рамазан

.

Аллагьди час  инайде  аламат

Че исламдин  ахIа  девлет

Чин  акьасе  ле вас гьурмат

Жан  ширин  азиз Рамазан

.

Сив дхIуттар акьасе  вун шад

Варе исара  хьурай  час кьисмат

МидехIен вун чин акьуне шад

Жан ширин  азиз Рамазан

.

Гьанахъ хъачин гунагьар  ппара

Гьегис  хьасе вакас  чара

Умматтарис акьай  идее дава

Жан ширин  азиз Рамазан

.

Бахтавар  э сив ухIуттар

Нафсунис итербия ицIанттар

Гьар ушуй итерябехIерихъ вареттар

Жан ширин азиз Рамазан

.

Сивар уIхIуттарис  Сивар мубарак хьурай

МухIаммадас салават  хьурай

Кьисмат хьурай  час  жейнатдин нур

Жан ширин  азиз Рамазан

.

Фас инсан  вун гъафил  вареф

Гьайдуйив вас Рамазан  вареф

Фарз иде сив  вун духIай  идеф

Фасе вун гьал пашмал  вареф

.

Фурсар, аркьай  ле вун вареф

Гьайдуйив вас кIе  ягъ хъаеф

Сивна  кьулгун  вун  дакьайдеф

Гьал фасе вун  пашмал  вареф

.

Фасе  вас  мусурман агъайдеф

Шагьадайи вун дахайидеф

 

Са фарзра вун бигьам  дакьайдеф

Язукь вайду  вас ве жандин

(Нафсунин)

Мубарак  Рамазандин  ваз

Эшай  эшай  ушини хи вая хи

ХIаягъан кьулгун  давай

Инкар вал фай вая хин

 

Сивна  кьулгун  вун акьачин

Лидегьен  четтин  дава

Кьуват  ве жандихъ хъачин

ХIеждил вас четтин дава

 

Темпелвална кулин вал

Левур ваф фаетаре

НеаIнат ина  Иблистис

ШаратIар акьас вареттаре.

 

Фарз  иде  сиварин  сеаI

Ицаф  вас ахIае

Кьабул  акьаф ве адавай

Фи жуваб йиса вун эссе

 

Фикир  акьас  канчин ле вас

Йная вас йиркIна ккелла

Дагьаф  гьар акьас  канчин

Ина экьул  Аллагьди вас

 

Шиниккарин дад агъай

Хуттуларин гьадад агъай

Хизандин  хIаф  агъай

Дуьняйил  руцая  хи вун

 

Те замана  андава

Читтин валар андава

Сивна кьулгун акьатис

Маркьа  агъаф андава

 

ХIар акьас  канетис

Гьалра кьанна дава

Дузди гьар акьас кканчин

Гьар хIури Имам ая.

 

Пашмал э зун  пашмал агъай

Ахир  са ягъ  адисе

КьацалахI тIуваф фацай

Ле уIмур  ве  пуч  хьасе.

 

Играми диндин  чувар

Левурикас хьин  дахьурай

Дин тIеаIт  кIили хас

Аллагьди  сагъвал  ирай.

 

Добавить комментарий

Ваш e-mail не будет опубликован. Обязательные поля помечены *