Ватан

Шамиль Лутов

       ВАТАН                  

Гьучадина авалан вахт,

Махlтал э зун ве тарихил.

Агъул — Аллагьди инде бахт,

Вун лихьас э заш зе хилил.

 

Гьава завун хlяд э ли вун,

Гlушан ракъ зус гlакве акьа.

Ве тагlрифил шадти а зун,

Шиниккв суман кьебаъ дакьа.

 

Тарлан э вун, ибхьин суван!

Агъул миллат ваш ухlай а.

Гъамаз хьучи багур душман, 

Гидин кlараб ваш рухlай а.

 

Дардуни ве иркlв ацlуф э,

Душманари ина гlазаб.

 

Суван кlиларала шуф э,

Ме дуйикес хьуф э хараб.

 

Нагагь гъурбат кьисмат хьучи,

Заш иркlв Агъул вас атас э.

Улеригьас вун гулучи,

Зе иркlв капури атlасе.

 

Зун гьаммиша э вал бахил,

Игитарин загълум Ватан.

Заш лихьасе ле вун хилил,

Джанатин цlабрухъян суман.

 

Зе Ватан — арсуран сувар,

Суван кlилил — Эран цlабур.

Вун э гьва Завун гавгьар,

Вун э азман дуйин абур!

 АГЪУЛ ЧIAЛ

 

Ватанилас дикIай а,

Зе халкь дуйин манзилил.

ЧIал арайлас гулай а,

Рангар але къизилин.

.

БарбатI вей а хье Агъул,

Андайя бицIаф чIалас.

Кандий агъшуна завул,

Душманарис цIарф ярхIяс.

.

Ве фикирди Агъул чIал,

Зун кум алдай угасе

Чиппин чIал гулу халкьар,

ТIурфанари дикIасе.

.

Агъул чIал, вун  дадарин

Час йинде аманат э.

Вун ухIяс даккантарин,

Кьимат цIуре манат э.

 

 

Джаннатин рангар ата,

Агъул чIал — зе гIуммур э.

Зус ми дуньягь, вун ада,

КIен ккида кIаре гIур э.

 

Зас эмкIиас ве кьадар

Агвай а мучIе гIуши.

Ве бинайрин даринар,

Аттивас э заш учи.

 

Заш зе иркIв, кьуват ицIай,

ГIашкъунис вал лихьасе.

Дадан чIал гьава акьай,

Заш китабар кихьасе.

 

Къизил суман Агъул чIал

Хье миллатин хъюси э,

Хье чIал ухIуб ми дуньял,

Агъулар — чвас васи э!

 

Добавить комментарий

Ваш e-mail не будет опубликован. Обязательные поля помечены *