Агъул чIалан форум

Ме хlефттайиъ  Дагъустандин педуниверситетиъ хьуне Агъул чlалан форум. Мисал алди уйи суалар фиштти айчин агъул чlал агьал, идже хьас фи акьуна кканчин. Чlал ухlубан бадалди адихьуна кканде пособибур агъул чlал кихьа мактабарис. Ягъалас ягъа чlал удигь верегъилди.

Форумдиъ уйи Агъул райондин представителар, педуниверситетин ректор М.Абдулаев, вузарин мегlелимар, депутат НС РД Т.Гусаев. Джалла мисаъ ая инсанарис саламар йине аргва связьдиас ттур ая хlа гlелим, ацlуна учин загьматин китабар ликlиф профессор Замир Курбанович Тарланов.

Саламар ехаб Тарланова ахъакьуне учин хlисабарикес фиштти ухlуна кканчин хье чlaл, фиштти удигь вес акьуна кканчин. Садпеф, ке lаф, Тарланован хlисабарилди, джигьилар чаб хе мукьариас айчlуна вея шагьурариди, ушухаб чlал гlачагуланде сасра чlаларигl.

Миштти дахьас мегlелимар юркlв фай алучlуна кканде агъул чlал ягlар акьас, кlилилас алтидихьуна.

Гьаме кардихъас Москвайиас адина уйи мич Куруглу Магомедов (гехъунаринф). Ми ахъакьуне фиштти вардиш аркьайчин джигьилар учин хе чlалахъди, фиштти гебирис ккан хьас аркьайчин учин хе чlал.

Чаб ая мукьариъ ппара ибур ицlанде пуне К.Магомедова учин хе чlаларис.

Депутата НС РД Т.Гусаева ахъакьуне цlае программабирихъас бицlи миллатарин чlалар ухlубахъас.

Мисал завал хьунаттар джалла сад суман рази хьуни агъул чlал ухlуф суман, удигьдира ушуна кканде пуна. Ме кардихъас мактабариъ файшуна кканде иджи кар, вартт акьуна кканде агъул чlалан дарсар, хе чlалан мегlелимара ай кканде джалла макбариъ (шагьурариъра, хlурариъра).

Ахирахъди форумдиъ хуруне агъул чlалан стихибур, акьуне мегlнибур, агвар акьуне агъул халкьдин кунар, китабар.

 

К.Мирзоев

5 мыслей о “Агъул чIалан форум”

  1. Агъул ч1алас бат1арди ибур дайичин, ппара хьичин са верш исалас хье ч1ал гуланасе, ч1ал анвахаб — миллатра ккеттархьасе, е сасра х1а миллатариг1ди г1ачушуна агъулар агъа ттур илгванасттава. Агьал акьас вере кумак акьуна кканде ч1алас: агъул ч1ал хурас студентар гьикуна кканде русско-дагестанский отделенибириди хурас. Дагестанский государственный универитети 2 стипенди иц1анде русско-дагестанский отделенибириъ хурае студентарис. Агъул ч1алан китабар мактабарис адихьай андава. Исарилди издательствойиъ ая атдихьай 3 -пе классин учебник. Са-1у грантар йина кканде Агъул райондин администраци, бинесменари, меценатари агъул ч1алал алуч1уна кар аркьай ч1ал бегьем аркьай, учебникар, словарар лирк1енди г1елимарис, агъул ч1алан дарсар иц1ан мег1елимарис зарплата ч1укь вартт акьуна кканде, к1илди хье гуланди ае ч1алар завал акьуна канде», — гьемиштти, агъул ч1алахъас г1езаб кей гъургъуне доктор филол.н. ,профессор ДГУ Гасанова С.Н.
    Хъара уйи выступленибур : Москвайиъас гьикуна уйи саламин хабар круглый столдихъ аеттарис, к1илди агъул халкьдис доктор филол. н., вед.научный сотр. Института языкознания РАН С.Р.Мерданова. канд. филол. наук Каидов З.Г доктор филол. наук, директор центра по изучению дагестанских языков в ДГУ М.А. Гасанова, преп. З.А.Базиева, А.Р. Насрулаев, М.Р.Рамазанов, канд. филол.н., Н.Р.Исрафилов, канд ист. наук Ибрагимов И. Г.

    1. Хlуькумат са чlукь кумак аркьа час. Агъул безнесменарихъасра миценатарихъас зас унихьундава. lари хье гlелимарифасна уч халкьдифас хьасе ухlас агъул чlал.
      Зас дахи ппара кканди акьас электрондин приложение телефонарис «агъул чlалан словар», амма ме кардис пулар герекди ая. Миштти приложение ацlуна джигьиларис хьасе ишламиш акьас. Ахттигьар ая сбор акьас ме приложениейис, амма кlилиъас идже словарь акьуна кканде.
      Лезгяир, сурхlар (аварар), яхулар миштти приложение акьуне ме ппара популярно ая джигьиларин арайиъ.

      1. Гьелишттин электронный форматин приложение телефонарис, компьютерарис аркьая агульско-русский и русско-агульский словарар Ш.А.Мазанаеван. Гьеге круглый столдиъ Тимур Гусаева пуне уч автордихъай гьучархьуна, разивел гъушуная пуна гьегишттин форматиъ агъул ч1алан словарар ихьас.

        1. Зас агуне ме словар, амма фачикlичин ме словар сасра словарихъай михъ хъая ацlуна неточностейна несостыковок.
          Тиса ацlуна чlалар ликlина адава. Сур чlалар тюркдин, ирандин э.
          Зас кканди литературдин чlал батlар хьурай пуна мертте хьурай пуна, амма зе ягlарвелар са чlукь ая дехlела зас кканди кумак акьас хье агъул чlалас чве кумакфайра джаллабурин кумакфай

  2. Зас ккандава фера lайвел пас Ш.А. Мазанаевасра гин лихунарис. Зун агъа БаркаЛлагь, сагъ акьурай гис ме лихунарикес агъул халкьдис.

Добавить комментарий

Ваш e-mail не будет опубликован. Обязательные поля помечены *