2пе сентябр 1945 иса воинский славайин ягъ

2-%d0%bf%d0%b5-%d1%81%d0%b5%d0%bd%d1%82

Дуьяйил хьу Iудпе дегIви агъаф хъучучIуне садпе сентябрдиъ1939пе иса. Хьибудпе рейх алукуна Польшайил вей хьуне ге ерхьи истти. Дуьяйин Iудпе дегIви фацуне ягъцIур хIукуматин манзилар Iу континентил (Евразияна Африка), якьу океандилра. ДегIи гIачафайшуна хьуне 61 хIукумат. Ппара дегIви вей хьуне Европайин машрикьдиъ, Германира гин илдешар хIевалат хьуне СССРдил. Хьибудпе рейхдин варттар гъалибвел хьуне-8 майдиъ 1945пе иса ликIине Акт нацистский Германи ккедикуне агъаф. СССРдиъ 9пе май акьуне Гъалибвелдин Ягъ Великий Отечественный дегIвира киркIуне пуна.

2-%d0%bf%d0%b5-%d1%81%d0%b5%d0%bd%d1%82-jpg2

ДегIвиъ уйи илдешарис йине чIал ухIас Ялтайиъра (1945 исан февралдиъ) хъара Потсдамский конференцибуриъ (июл август 1945 иса), СССРди аркьа дегIви японихъай 8 августиъ 1945пе иса, дуз хьибу вазалалас хьибудпе рейх ккедикуне. 9пе августи советский войскабур айчIуне дегIвиди.

Маньгжурский стратегический, Южносахалинский наступательный хъара Курильский десантный операцибур аркьагуна Советский Вооруженный силабури барбатI акьуне ке хIа группировка Японин жилилас вере войскабурин — Квантунский армии, гисагI гIуйи 37 пехотныбур, 7 кавалерийский дивизибур, 22пехотныбур, 2 танковыбур хъара 2 кавалерийский бригадабур (джалла 1милн. 320 агъзур инсан). Японин континентальный военный группировка хъусас акьухIела э, америкайин ядерный боеголовкабури дава акьуф дегIвин ахир верегъилди, Японивас сара фера акьас даверегьилди.

Советский эскерари фатас акьуне северо-восточный Китайдин джилар (Маньчжурил), Корейин полуостров, Курилски островабур хъара Южный Сахалин. Постдамский деклорацилди 1945 иса, гисак кеяттарихъай джаллабурихъай рази хьуне Япония, гебурин джилар хьуне островабур Хонсю, Кюсю, Сикоку, Хоккайдо, хъара гебуриласра бицIи японин архипелагин островарилди — илдешари агвар акьуна аягъилди. Островар Шикотан, Итуруи, Кунашир хъара Хабомаи хьуне Советский Союздин гъилариъ.

3пе сентябрдиъ 1945пе иса СССРдин Верховный Советин Президиумдин Указилди акьуне «Японил гъалибвел хьу ягъ». 23 июлдиъ 2010пе иса РФ президент Д.Медведева подписат акьуне закон «О внесении изменений в статью 1(1) Федерального закона «О днях воинской славы и памятных датах России», гисаъ аягъилди 2пе сентябрдиъ Российиъ аркьа «День окончания Второй мировой войны».

А.Манафов.

 

0 мыслей о “2пе сентябр 1945 иса воинский славайин ягъ”

Добавить комментарий

Ваш e-mail не будет опубликован. Обязательные поля помечены *