ЦIе тренажерный зал

20 пе декабрдиъ райондин администрациас адина Байрамов Джафара джаллабур завал хьуна ая усаъ дахъуне Тпигарин хIурин спортшколайихъди хъая цIае тренажерный зал.

«Iу ваздегьен хьуне инсанар алучIуна мисаъ лиханди. Амма кезагьматин кар алчархьуф мисаъ кар аркьай ая устабрис Назимасра Iелис. Пас кканди ая хьес пулулди, шейэрилди кумак акьу инсанарихъасра Хархаров Абусупьян Магомедовичас, РФ Гос Думайин депутатас Маграмов Абдулмаджид Варисовичас, РФ НС депутатас Раджабов  Раджаб Абдурашидовичас, сад хъара уйи учин ттур дапуна кканди уйиф, джаллабурин кумак акьудегьенттарин ттурар пучи фушчира гIатуб мункине.  Чиппис хIа чухъсагъул» пуне Байрамов Джафара.

Ме акьуна ая цIе зал дахъас, ке удигьай ачавес рукьуне хье  кебицIи джигьиларис, тисан гIанаъ ая спортзалдиъ дзюдо занимаца аркьай аяттарис.

Хъара пас кканди ая хьехъ мишттин батIар, хIайр кеттивас вере мукьар ппара хьурай пуна хье агъуларихъ. Джигьиларис пас кканди ая ухубар, дивубар, чIирхIе  курар, инсандис зарар вере курар даркьай вей ме залдиди чиппин сагъвел, зурбавел, гуджлувел вартт гъадивагъилди.

Хъара пас кканди, ая кардилди дахьучи идже чIалалди дехIера кумак акьуттарис ме кар арайил акьас ппара хIа чухъсагъул!

К.Мирзоев

Добавить комментарий

Ваш e-mail не будет опубликован. Обязательные поля помечены *